Psalms 94
1Барып, Дээрги-Чаяакчыга өөрүшкүлүг ырлап берээл, камгалал бээр Хаявысты a ыыткыр алгап ырлаал!2Алдаржыдып ырлавышаан, Ооң мурнунга чеде берээл,
ырларывыска Ону алгап ырлаал!
3Дээрги-Чаяакчы дээрге өндүр улуг Бурган,
бүгү бурганнарны чагырар b өндүр улуг Хаан болгай.
4Черниң ханызы-даа, дагларның баштары-даа Ооң холунда.
5Далай-даа Ооңуу болур, ону Ол чаяаган,
кургаг черни-даа Ооң холдары бодараткан c.
6Барып, Дээрги-Чаяакчының –
бистиң Чаяакчывыстың мурнунга сөгүрүп,
мөгейээли, дис кырынга олураалы d.
7Ол – бистиң Бурганывыс-тыр,
а бис – Ооң коданында чон бис
база Ооң карактааны хойлар бис e.
Бөгүн Бурганның мынча дээн үнүн дыңнап каан болзуңарза f:
8«Меривага дег, ол хүнде ээн кургаг ховуда Массага дег,
чүректериңер дашталдырбаңар ▼
▼94:8 Мерива, Масса – ээн кургаг ховуга еврейлерниң Бурганга удурланып турган черлериниң аттары (Хост. 17:1-7; Сан. 20:1-13 көр).
.9Ынчан аңаа силерниң ада-өгбеңер Мээң кылган
ажыл-херектеримни көргеш-даа, Мени шенеп турган.
10Дөртен чыл дургузунда ол улус Мээң хөңнүмге дээп кээрге:
„Бо дээрге чүректери будалып чоруур,
Мээң оруктарымны билип албаан чон-дур“– дээш,
11килеңней берип: „Олар Мээң амыр-дыжым черинче
кирбес“– деп даңгыраглаан мен h».
Copyright information for
TyvTUV