b95:2 Ыд. ыр. 99:4
c95:3 Ыд. ыр. 9:2
e95:4 Хост. 18:11
g95:7 Ыд. ыр. 28:1
h95:9 Ыд. ыр. 113:7
k95:11 Ыд. ыр. 97:7
l95:13 Ыд. ыр. 9:9
Psalms 95
(1 Чыл. 16:23-33)
1Дээрги-Чаяакчыга чаа ырдан ырлап бериңер a; бүгү чер-делегей, Дээрги-Чаяакчыны алгап ырла!2Дээрги-Чаяакчыга ырлап бериңер, Ооң адын алгап-йөрээңер b,
хүннүң-не Ооң камгалалын медээлеңер.
3Шупту чоннарга – Ооң алдарын, бүгү аймактарга –
Ооң кылган кайгамчык чүүлдерин чугаалап чедиңер c.
4Дээрги-Чаяакчы өндүр улуг база макталга төлептиг d,
өске бурганнардан артык коргунчуг болгай e.
5Өске чоннарның бурганнары шуптузу хоозун дүрзүлер-дир,
а Дээрги-Чаяакчы дээрлерни чаяаган болгай f.
6Чайынналчак мактал-хүндү – Ооң мурнунда,
күчү-күш болгаш каас-чараш чорук – Ооң ыдыктыг өргээзинде.
7Чоннарның аймактары, Дээрги-Чаяакчыны мактаңар,
Ооң алдары биле күчү-күжүн мактаңар; g
8Дээрги-Чаяакчының алдарлыг адын алгаңар,
өргүлдериңер ап алгаш,
Ооң өргээзиниң шөлүнче кирип келиңер.
9Дээрги-Чаяакчы Бодунуң ыдыктыг өргээзинге турда,
Аңаа мөгейиңер.
Бүгү чер-делегей, Ооң мурнунга коргуп сириле! h
10Чоннарга дамчыдып чугаалаңар: Дээрги-Чаяакчы хааннап турар! i
Ол өртемчейни быжыг үндезинде тургузуп каан – тендиш дивес-тир.
Чоннарны Ол чөптүү-биле шиидер-дир.
11Дээрлер өөрүп-хөглезин, чер-делегей өөрүп-байырлазын; j
далай болгаш ону долган бүгү чүве шимээргеп доюлзун! k
12Хову-шөлдер болгаш ында амыдыраан бүгү чүве өөрүзүн,
арга-эзимде шупту ыяштар өөрүп ырлашсын!
13Дээрги-Чаяакчының мурнунга олар өөрүзүн,
Ол чер-делегейни шын шиидер дээш кел чыдар болгай.
Ол өртемчейни Бодунуң чөптүү-биле,
бүгү чоннарны – алыс шынныы-биле шиидер-дир l.
Copyright information for
TyvTUV