Psalms 98
1Дээрги-Чаяакчы хааннап турар a, бүгү чоннар сүрээдеп сирилезин!Ол херувимнер ▼
▼98:1 Дээрги-Чаяакчы ыдыктыг аптарада тургускан херувим дүрзүлериниң кырында, Бодунуң дүжүлгезинде дег, саадап олурар дээни ол (Хост. 25:17-22 көр). Азы херувимнер сөөрткен чуузада олурар дээни ол.
кырында саадаан-дыр c;бүгү чер-делегей шимчеп сирилезин!
2Дээрги-Чаяакчы Сион дагга өндүр бедик,
бүгү чоннарның кырында Ол өрү көдүрткен! d
3Сээң өндүр улуг болгаш сүрээденчиг адыңны олар алдаржытсын;
ол ат ыдыктыг болгай.
4Күчүлүг Хаан чөптүг чорукка ынак e.
Сен чөптүг чорукту доктаадып кагдың,
шынчы чорукту Израильге эккеп бердиң.
5Дээрги-Чаяакчыны – Бурганывысты алгап-мактаңар;
Ооң буттарын салыр черинге ▼
▼98:5 Буттарын салыр чер – израиль чер, Бурганның өргээзи азы ыдыктыг аптара (1 Чыл. 28:2 көр).
мөгейиңер,ол чер ыдыктыг болгай!
6Моисей биле Аарон Бурганның бараалгакчылары тургаш,
Самуил Ооң адын кыйгырган улустуң бирээзи тургаш,
Аңаа мөргүп, Ону кыйгырып турганнар,
а Дээрги-Чаяакчы оларга харыылаан g.
7Дээрги-Чаяакчы булут чагы аразындан олар-биле чугаалашкан h,
а олар Ооң чагыгларын болгаш
Ооң берген дүрүм-хоойлузун сагып турганнар.
8Дээрги-Чаяакчы, Бурганывыс, Сен оларга харыыңны бердиң!
Оларны өршээп шыдаар,
үүлгедиглери дээш кезедир Бурган болдуң i.
9Дээрги-Чаяакчыны – Бурганывысты кымдан арттыр мактаңар,
Ооң ыдыктыг даанга j мөгейиңер,
чүге дээрге Дээрги-Чаяакчы Бурганывыс ыдыктыг болгай.
Copyright information for
TyvTUV