a113:1 Хост. 12:37
b113:3 Хост. 14:21-22; Ыд. ыр. 76:17
c113:3 Иис. 3:13
d113:4 Ыд. ыр. 28:6
e113:7 Ыд. ыр. 95:9
f113:8 Хост. 17:6; Сан. 20:11; Ыд. ыр. 77:15
h113:10 Ыд. ыр. 41:4; 78:10; Иоил 2:17; Мих. 7:10
i113:11 Ыд. ыр. 2:4; 10:4; Иса. 66:1
j113:11 Ыд. ыр. 134:6
k113:12 Ыд. ыр. 134:15-18
l113:13 Ы. х. к. 4:28
m113:15 Иса. 46:7; Иер. 10:5
n113:16 Иса. 44:9
o113:18 Э. д. 15:1
p113:22 Иса. 65:23
q113:25 Ыд. ыр. 6:6; Эккл. 9:10; Иса. 38:18
r113:26 Ыд. ыр. 112:2

‏ Psalms 113

1Израильчилер Египеттен үне бээрге, Иаковтуң салгалы хары чондан чоруй баарга a,
 2Иудея – Бурганның ыдыктыг чери,
Израиль – Бурганның ээлээн чери болу берген.

3Далай Ону көрүп кааш, Оон дезип маңнап турган b,
Иордан хем дедир ага берген; c
 4даглар ынчан кошкарлар дег халып,
тейлер хураганнар дег шурап турган d.
 5Далай, сен канчап бардың, чүге дезип маңнаарың ол?
Иордан, чүге дедир агарың ол?
 6Даглар, силер чүге кошкарлар дег халыдыңар,
тейлер, силер чүге хураганнар дег шурадыңар?

7Дээргиниң мурнунга коргуп сириле, чер-делегей,
Израильдиң Бурганының мурнунга коргуп сириле e.
 8Дээрги хаяны – терең хөл кылдыр f,
дашты – суг бажы кылдыр хуулдурган ▼
▼113:8 Өске бурунгу сөзүглелде бо шүлүк-биле бир ыр төнген, дараазында шүлүк-биле чаа ыр эгелээн.
.

9Бисти эвес, Дээрги-Чаяакчы, бисти эвес,
а Бодуңнуң адыңны алдаржыт;
энерелдииң-биле, шынчы чорууң-биле Бодуңну алдаржыт.
 10 Өске чоннар улузу:
«Оларның Бурганы кайдал?» – деп айтырар чүзүл? h
 11Бистиң Бурганывыс – дээрлерде i;
Ол күзээн-не чүүлүн боттандырып турар j.

12А ол чоннарның дүрзү-бурганнары –
алдын болгаш мөңгүнден бүткен, кижи холу шуткаан чүүлдер-дир k.
 13Ол чүүлдер аастарлыг-даа болза, чугаалавас;
карактарлыг-даа болза, көрбес l;
 14олар кулактарлыг-даа болза, дыңнавас;
думчуктарлыг-даа болза, чыт тыртпас;
 15олар холдарлыг-даа болза, суйбап билип албас;
буттарлыг-даа болза, кылаштавас m;
оларның өктери үн үндүрбес.
 16Ындыг дүрзү-бурганнарны кылып турар, оларга идегээр бүгү улус
шак ол дүрзүлеринге дөмейлежи берзин n.

17А израильчилер Дээрги-Чаяакчыга идегээр:
Ол – оларга дузалап чоруур дозуг-камгалал.
 18Аароннуң салгалы Дээрги-Чаяакчыга идегээр:
Ол – оларга дузалап чоруур дозуг-камгалал o.
 19Дээрги-Чаяакчыдан коргуп чоруурлар Аңаа идегээр:
Ол – оларга дузалап чоруур дозуг-камгалал.

20Дээрги-Чаяакчы бисти бодап, ачы-буянын хайырлазын:
израиль чонга ачы-буянын хайырлазын,
Аароннуң салгалынга ачы-буянын хайырлазын,
 21Оон коргуп чоруур улуска ачы-буянын хайырлазын –
улуг-биче дивейн, ачы-буянын хайырлазын.
 22Дээрги-Чаяакчы ачы-буянын силерге-даа,
ажы-төлүңерге-даа немей берзин p.
 23Дээрги-Чаяакчы – дээр биле черниң Чаяакчызы
силерни алгап-йөрээн-дир.

24Дээр – Дээрги-Чаяакчыныы,
а черни Ол кижи төрелгетенге хайырлаан.
 25Алдыы оранның шыпшыңынче бада берген өлүг улус
Дээрги-Чаяакчыны алгап-мактаар эвес q,
 26бис харын амдыгааштан эгелээш,
кезээ мөңгеде Ону алгап-йөрээр бис r.
Аллилуйя!
Copyright information for TyvTUV