Psalms 126
Көдүрлүүшкүн ыры a. Соломоннуу b.
1Бажыңны Дээрги-Чаяакчы тудуп кагбас болза,ооң тудугжулары хей черге ажылдаар;
хоорайны Ол кадагалавас болза,
ооң таңныылдары хей черге уйгу чок хонар.
2Силер хей черге эртежик туруп,
орайга чедир удувайн c, чилчииңер үзүлдүр ажылдап,
аъш-чем тып чиир силер d;
Бодунуң ынак кижизинге
Дээрги-Чаяакчы чыргалдыг дүштү хайырлаар.
3Дыңнаңар даан! Ажы-төл –
Дээрги-Чаяакчының берген өнчүзү-дүр,
ижин-хырында үре-төл –
Ооң хайырлаан шаңналы-дыр e.
4Сээң чалыы назыныңда төрүттүнген оолдарың
дайынчы кижиниң холунда согуннар ышкаш.
5Оолдары-биле бодунуң саадаан долдуруп алган кижи
амыр-чыргалдыг!
Ындыг улус эжик-хаалга чанынга
дайзыннар-биле маргыжып тура, адын баксыратпас.
Copyright information for
TyvTUV