‏ Psalms 135

1Дээрги-Чаяакчыга өөрүп четтириңер; Ол ачылыг-дыр. Ооң энерели кезээ шагда үстүп төнмес-тир ^a.
2Бурганнарның Бурганынга өөрүп четтириңер ^b.
Ооң энерели кезээ шагда үстүп төнмес-тир.
3Дээргилерниң Дээргизинге өөрүп четтириңер.
Ооң энерели кезээ шагда үстүп төнмес-тир.

4Өндүр улуг кайгамчык чүүлдерни чүгле Бурган кылып турар ^c.
Ооң энерели кезээ шагда үстүп төнмес-тир.
5Дээрлерни мерген угаан-биле Ол чаяап каан ^d.
Ооң энерели кезээ шагда үстүп төнмес-тир.
6Кургаг черни суглар кырынга Ол чада салып каан ^e.
Ооң энерели кезээ шагда үстүп төнмес-тир.
7Дээди чырымалды Ол чаяап каан ^f.
Ооң энерели кезээ шагда үстүп төнмес-тир.
8Хүндүскү үени башкарары-биле хүннү Ол чаяап каан.
Ооң энерели кезээ шагда үстүп төнмес-тир.
9Дүнеки үени башкарары-биле айны база сылдыстарны Ол чаяап каан.
Ооң энерели кезээ шагда үстүп төнмес-тир.

10Бурган Египеттиң бүгү дун оолдарын узуткап ^g, ону буурадып каан.
Ооң энерели кезээ шагда үстүп төнмес-тир.
11Израильди Египеттен Ол үндүрүп эккелген ^h.
Ооң энерели кезээ шагда үстүп төнмес-тир.
12Израильди сунган холунуң күчү-күжү-биле
Ол үндүрүп эккелген. Ооң энерели кезээ шагда үстүп төнмес-тир.
13Кызыл далайны Ол ийи чара аксыпкан ⁱ.
Ооң энерели кезээ шагда үстүп төнмес-тир.
14Израильди Ол далай ортузу-биле эрттире берген.
Ооң энерели кезээ шагда үстүп төнмес-тир.
15Фараонну база ооң аг-шериин Кызыл далайже Ол дүжүр октапкан ^j.
Ооң энерели кезээ шагда үстүп төнмес-тир.

16Бурган Бодунуң чонун ээн кургаг ховуга эдертип бар чыткан ^k.
Ооң энерели кезээ шагда үстүп төнмес-тир.
17Улуг хааннарны Ол узуткап каан ^l.
Ооң энерели кезээ шагда үстүп төнмес-тир.
18Ат-сураглыг хааннарны Ол өлүрүп каан.
Ооң энерели кезээ шагда үстүп төнмес-тир.
19Амор хаан Сигонну Ол өлүрүп каан ^m.
Ооң энерели кезээ шагда үстүп төнмес-тир.
20Васанның хааны Огту Ол өлүрүп каан ⁿ.
Ооң энерели кезээ шагда үстүп төнмес-тир.
21Оларның ээлээн черлерин Ол биске өнчү кылдыр берип каан.
Ооң энерели кезээ шагда үстүп төнмес-тир.
22Бодунуң чалчазы израиль чонга черни өнчү кылдыр Ол берип каан.
Ооң энерели кезээ шагда үстүп төнмес-тир.

23Базындырып чораан бисти Ол бодап келген.
Ооң энерели кезээ шагда үстүп төнмес-тир.
24Бисти дайзыннарывыстан Ол адырып хостап каан ^o.
Ооң энерели кезээ шагда үстүп төнмес-тир.
25Шупту дириг амытаннарга аъш-чемни Ол берип турар ^p.
Ооң энерели кезээ шагда үстүп төнмес-тир.

26Дээрде саадаан Бурганга өөрүп четтириңер.
Ооң энерели кезээ шагда үстүп төнмес-тир.