Psalms 136
1Вавилоннуң хемнериниң кыдыынга a Сионну сактып, ыглап-сыктап олурар турдувус.2Ол черде үнген талдарга
чадаганнарывысты азып кааптып, ойнавастаан бис.
3Орта бисти тудуп аппарган улус бистен ырлар негеп,
бисти дарлап турган улус – хөглээшкин негеп:
«Сионнуң ырлары-биле биске аян тудуңар!» – деп турган.
4Хары черге Дээрги-Чаяакчының
ырларын канчап ырлажыр бис?!
5Иерусалим, сенден ойталаар болзумза b,
оң холум менден ойталазын;
6сени сагынмас болзумза,
Иерусалимни өөрүшкүмнүң эң бедии кылып албас болзумза,
дылым таалайымга чыпшына берзин c.
7Дээрги-Чаяакчы,
Иерусалимниң буураан хүнүнде:
«Ону таваанга чедир үрегдеп бузуңар-ла!» – деп турган
эдом чонну кеземче чок арттырба d.
8Вавилон-кыс, хоозураар сен! ▼
▼136:8 Өске бурунгу сөзүглелде «Хоозурадыкчы сен!» деп бижээн.
Биске кылган үүлгедииң дээш сеңээ чөптүг кеземчени f
онааштырар кижи амыр-чыргалдыг!
9Сээң чаш төлдериңни тудуп алгаш,
хая-дашка чуура шааптар g кижи амыр-чыргалдыг!
Copyright information for
TyvTUV