Psalms 139
1Хөгжүм башкарыкчызынга. Мизмор-ыр. Давидтии.2Дээрги-Чаяакчы, бак кижиден мени камгала,
күш дөгээр улустан мени кадагала a.
3Олар – чүректеринде кара бодалдарлыг,
хүннүң-не чаалажыр чүткүлдүг улус-тур;
4дылдарын, чылан ышкаш, шагарынга
мергежидип турар улус-тур,
оларның эриннеринде ок-чыланныы дег хоран бар b. Сэла
5Дээрги-Чаяакчы,
бузуттуг хейниң холун менден чайлат,
буттарымны тендиңнедир сагыштыг
күш дөгээр улустан мени кадагала c.
6Адыыргак улус меңээ дузак чажыра салып каан,
бак хейлер оруумга четки чада салып,
буттарымга какпа салып каан d. Сэла
7Дээрги-Чаяакчыга: «Сен – мээң Бурганым сен,
чалынган үнүмнү дыңна» – деп чугааладым.
8Дээрги-Чаяакчы, күчү-күштүг Камгалакчым,
Дээргим, тулчуушкун хүнүнде
бажымны камгалап турар сен.
9Дээрги-Чаяакчы, бузуттуг улустуң күзээн чүвезин бербе,
оларның кара сагыштыг бодалы боттанмазын –
оон башка идээргей бээрлер. Сэла
10Мени бүзээлээн улустуң тейин
оларның бак аксы-сөзү шыва алзын.
11Оларже оттуг көстер кээп дүшсүн e,
олар ханы оңгарже киир октадыпкаш, оон үнүп шыдавазын.
12Бак аас эдер кижи чер-чүртка
быжыы-биле туруп шыдавас болзун,
күш дөгээр кижини айыыл-халап аглап-сүрзүн.
13Билир мен: Дээрги-Чаяакчы
базындырган улуска шын шииткелди,
түреңги улуска чөптүг шииткелди үндүрер f.
14Ынчангаш чөптүг-шынныг улус Сээң адыңны мактаар,
мөзүзү эки улус Сээң хайгааралың адаанга чурттаар.
Copyright information for
TyvTUV