Psalms 148
1Аллилуйя! Дээрги-Чаяакчыны кудайлардан алгап-мактаңар,Ону өрү дээрден алгап-мактаңар! a
2Дээрги-Чаяакчының бүгү төлээлери,
бүгү аг-шерии, Ону алгап-мактаңар! b
3Хүн биле ай, Ону алгап-мактаңар!
Чайынналган хамык сылдыстар, Ону алгап-мактаңар!
4Дээрлерниң эң бедии c база
дээрлерниң кырында суглар d, Ону алгап-мактаңар!
5Олар шупту Дээрги-Чаяакчының
сөзүн ёзугаар чаяаттынган болгай e,
ынчангаш Ооң адын алгап-мактазын;
6Дээрги-Чаяакчы оларны кажан шагда,
кезээ мөңгеде тургузуп каан,
ажыр базып болбас дүрүмүн оларга берген f.
7Дээрги-Чаяакчыны чер кырындан алгап-мактаңар:
далайның улуг амытаннары биле дүп чок бүгү ээремнер g,
8чаңнык биле долу, хар биле бус-туман,
Ооң айтыышкынын күүседип турар шуурган h,
9даглар биле бүгү тейлер, чимистиг ыяштар биле бүгү пөштер,
10аң-мең биле бүгү мал-маган, соястаарлар биле чалгынныг куштар,
11черниң хааннары биле бүгү чоннар,
чагырыкчылар биле черниң баштыңнары,
12аныяк оолдар-кыстар, кырган-чалыы – Ону алгап-мактаңар!
13Олар шупту Дээрги-Чаяакчының адын алгап-мактазын.
Чүгле чаңгыс Ооң адын кымдан-даа арттыр мактаан-дыр,
Ооң чайынналчаа чер биле дээрден бедээн-дир i.
14Ол Бодунуң чонунуң күчү-күжүн көвүдеткен-дир,
Аңаа бердинген бүгү улуска,
Аңаа чоок израиль чонга макталды берген-дир!
Аллилуйя!
Copyright information for
TyvTUV