Psa 15 | TyvTUV | STEP | Миктам-ыр. Давидтии. Мени кадагалап көр, Бурганым, хоргадалды Сенден алыр болгай мен.

b15:2 Ыд. ыр. 72:25

d15:4 Хост. 23:13; Иис. 23:7; Ос. 2:17; Зах. 13:2

e15:5 Сан. 18:20; Иер. 10:16; 51:19; Ыы. 3:24

g15:10 Иов 33:28; Ыд. ыр. 29:4; 48:16; 85:13; Иса. 38:17; Аж.-ч. 2:27

‏ Psalms 15

Миктам-ыр. Давидтии.

1 Мени кадагалап көр, Бурганым,
хоргадалды Сенден алыр болгай мен.
2 Дээрги-Чаяакчыга: «Сен – мээң Дээргим сен,
меңээ Сенден өске ачы-буян чок ^{▼▼15:2 Азы: «Мээң ачы-буяным Сеңээ херек чок».}» – деп чугааладым ^b.
3 Ооң чер кырында ыдыктыг чонунче – ат-алдарлыг улузунче
бүгү күзел-чүткүлүм угланды ^{▼▼15:3 Еврей сөзүглелде бо шүлүктүң утказы эки билдинмес. Болгу дег өске утказы мындыг: «Мээң күзел-чүткүлүм – ол черниң бурганнарынга бараан болуру турган».}.
4 Өске бурганче далашкан улустуң түрегдели көвүдезин;
мен оларның хан төккен өргүлдеринге киришпес мен,
оларның бурганнарының аттарын безин адаар хөңнүм чок ^d.

5 Дээрги-Чаяакчы – мээң үлүүм сен ^e,
салым-чолум Сенден хамааржыр.
6 Мээң хувааглыг черимниң кызыгаарын
каас-чараш черлер таварты эрттирген сен,
мээң Сенден алган өнчүм өндүр-чаагай-дыр.
7 Мени угаан киир сургаан Дээрги-Чаяакчыны
алгап-йөрээр мен, дүне безин ишти-хөңнүм мени сургап турар.
8 Дээрги-Чаяакчыдан үргүлчү карак салбайн чордум,
Ол мээң-биле-дир, ынчангаш тендиш дивес мен ^f.

9 Ынчангаш мээң чүрээм өөрүп-байырлаан,
мээң сеткилим өөрүп-хөглээн,
мага-бодумга кандыг-даа айыыл кыжанмас-тыр.
10 Сен мээң амы-тынымны өлүглер оранынга калдырбас сен,
Сеңээ бердинген чалчаңны тамыже киирбес сен ^g.
11 Сен меңээ амыдыралче орукту ^h айтып бээр сен;
Сээң-биле кады турарымга, өөрүшкү мени бүргээр,
Сээң холуңда аас-кежик кезээ мөңгеде бар.