Psalms 16
Мөргүл. Давидтии a.
1Дээрги-Чаяакчы, мээң актыымны дыңна,дуза дилээн алгы-кышкымче кичээнгейден сал,
мегелевес аксы-дылымдан үнген мөргүлүмнү дыңна.
2Сен мени чөптүг шииткел-биле шиит,
карактарың чөптүг шынны көрүп турзун.
3Сен мээң чүрээмни шенеп, дүне када кээп чордуң;
шенеп көргеш, бузуттуг бодал тыппайн бардың b.
4Кижилерниң кылып чорууру ышкаш,
аксы-дылымдан бачыттыг сөс үнмеди,
Сээң сөстериңниң аайындан эртпейн,
каржы-бак кижиниң оруун эдереринден кичээнип келдим.
5Сээң айтып бергениң оруктардан
мээң буттарым өскээр барбас, чандыр баспас c.
6Сени кыйгырып тур мен,
дыңнап каарыңны билир мен, Бурганым:
кулааң менче ээктирип, сөстеримни дыңнап көрем.
7Кайгамчык арга-биле энерелиң көргүзүп көр d,
Сен Бодуңнуң күчүлүг холуң-биле
хоргадал дилээн улусту дайзыннардан камгалаар сен;
8Сен мени карак огу дег кадагала e,
чалгыннарың адаанга мени чажырып ал f.
9Менче халдап турар бузуттуглардан, мени бүзээлеп алган,
амы-тынымга кыжанган дайзыннардан кадагала.
10Олар дээрге чүректери доңгун g,
адыыргак сөстер чугаалаар улус-тур.
11Базым санай мени ам бүзээлеп турлар,
черже чыттыр базып аарын күзеп,
менче кезе кайгаарлар-дыр.
12Олар олча хайдынып, чимзенген арзылаң дег-дир,
ажыт черлерде кеденип орар араатан аңга дөмей-дир h.
13Дээрги-Чаяакчы, дүрген келем,
оларже уткуй үнүп, дискек кырынга олуртувут.
Бодуңнуң хылыжың-биле мээң амы-тынымны
бузуттуг кижиден камгалап көр;
14өлүр тынныг улустан Бодуңнуң холуң-биле
камгалап көр, Дээрги-Чаяакчы;
олар дээрге дашказы бо чуртталганың
хөреңги-байлаа-биле долдунган улус-тур,
а Сен оларның хырнын Бодуңнуң шаңналың-биле ▼
▼16:14 Еврей сөзүглелде бо шүлүктүң утказы эки билдинмес. «Шаңналың-биле» деп сөстүң болгу дег өске утказы мындыг: «Кеземчең-биле».
долдурар сен;оларның ажы-төлү тоткаш,
артыкшылын боттарының ажы-төлүнге арттырып каарлар.
15А мен актыг болуп, Сээң шырай-арныңче көөр мен,
оттуп келгеш, Сээң арның көргеш, таалап ханар мен j.
Copyright information for
TyvTUV