Psa 2 | TyvTUV | STEP | Чоннар чүге килеңнеп хөлзеп турарыл, аймактар чүге хоозун чүүлдер бодап турарыл?

a Аж.-ч. 4:25-26

bЫд. ыр. 17:51; 19:7; 88:20-21

c Ыд. ыр. 10:4

dЫд. ыр. 36:13; 58:9; У. ч. 1:26

e Ыд. ыр. 109:2; Ажыд. 14:1

f Аж.-ч. 13:33; Евр. 1:5; 5:5; 2 Хаан. 7:14

h Ажыд. 2:27; 12:5; 19:15

i Иса. 30:14; Иер. 19:11

j Евр. 12:28

k Флп. 4:4

m Ыд. ыр. 33:8

‏ Psalms 2

1 Чоннар чүге килеңнеп хөлзеп турарыл, аймактар чүге хоозун чүүлдер бодап турарыл? ^a
2 Чер-делегейниң хааннары тура халчып, чагырыкчылар демнежип,
Дээрги-Чаяакчы биле Ооң шилип алган хаанынга ^b удур
тулчуп үнер деп барган-дыр:
3 «Оларның кинчи-бегин үзе соккаш, дарлалын дүжүр октаптаалы!»

4 Дээрлерде саадаан Бурган ^c оларны кочулап тур,
Дээрги оларны кыжырып тур ^d.
5 Дээрги-Чаяакчы ынчан оларга ажынып,
күштүг килеңи-биле коргудуп, мынча дээр:
6 «Бодумнуң шилип алган хаанымны
ыдыктыг Сион даамда ^e дүжүлгеге олуртуп каан мен».

7 Дээрги-Чаяакчының шиитпирин медээлээйн.
Ол меңээ: «Сен – Мээң оглум сен, Мен бөгүн сээң Адаң апардым ^f.
8 Менден диле, ынчан бүгү чоннарны сеңээ өнчү кылдыр бээр мен;
чер-делегейни, ээлээр чериң кылдыр, ужу-кыдыынга чедир бээр мен.
9 Сен оларны демир мерге-биле чылча шавар ^{▼▼ Азы: «Башкарар», азы «кадарар».} сен ^h,
дой сава дег чуура шавар сен ⁱ» – дээн.

10 Ындыг болганда, хааннар, угаан кирип көрүңер,
чер-делегейниң чагырыкчылары,
мээң чемелелимни хүлээп алыңар.
11 Дээрги-Чаяакчыга коргуушкун-биле бараан болуңар ^j,
коргуп-сүртеп-даа тура, өөрүп-байырлаңар ^k.
12 Ооң оглун хүндүлеңер ^{▼▼ Еврей сөзүглелде бо сөстерниң утказы эки билдинмес. Болгу дег өске уткалары мындыг: «Ону ак сеткилдии-биле ошкаңар» азы «Ооң мурнунда черге мөгейиңер».}, оон башка Ол килеңней бээр,
а силер орууңарга өлүп каар силер –
Ооң килеңи карак чивеш аразында кыптыгар болгай.
Оон хоргадал алыр бүгү улус амыр-чыргалдыг ^m.