Psalms 20
1Хөгжүм башкарыкчызынга. Мизмор-ыр. Давидтии.2Дээрги-Чаяакчы! Сээң күчү-күжүң дээш,
хаан өөрүшкү-маңнайлыг тур,
Сенден келген камгалал дээш канчаар-даа аажок өөрүп-хөглеп тур! a
3Сен ооң күзээн чүүлдерин күүседип бердиң b,
ооң аксындан үнген дилег-сөзүнден ойталавадың. Сэла
4Сен ону ачы-буян долган алгыш-йөрээл-биле уткудуң,
ооң бажынга алдын оваадайны кедирдиң.
5Хаан Сенден амыдыралдың тыныжын диледи,
Сен аңаа кезээ мөңгеде узун назынны хайырладың c.
6Сенден келген камгалал дээш, ол өндүр улуг алдарлыг апарды:
Сен аңаа чайынналчак мактал-хүндүнү хайырладың.
7Сен аңаа ачы-буяныңны кезээ мөңгеде бердиң,
Сээң чаныңга турарга тыптыр
өөрүшкүнү шаңнап, ону хөглеттиң.
8Хаан Дээрги-Чаяакчыга идегээр,
Дээди Өрүкүнүң энерелиниң ачызында тендиш дивес d.
9Сээң ▼
▼20:9-13 Бо шүлүктерде «сен» деп ат орнунуң хаанга азы Бурганга хамааржыры эки билдинмес.
холуң шупту дайзыннарыңны тудуп алыр,күштүг холуң шупту өжээтеннериңни тудуп алыр.
10Килеңнээн үеңде оларга оттуг суугу дег сен f;
Дээрги-Чаяакчы аажок килеңнээш,
оларның бажын чиир, олар отка чиртип аарлар g.
11Сен оларның үре-салгалын чырык чер кырынга,
оларның салгакчыларын кижи төрелгетен аразынга
амылыг арттырбас сен h.
12Сеңээ удур кара сагыштап турган дайзыннар болгай,
ынчалза-даа ол кара сагыжын боттандырар харыы чок-тур!
13Сен чаларың согуннарын оларның арыннарынче шыгаагаш,
оларны хая көрүндүрүп, дестирер сен i.
14Дээрги-Чаяакчы, Бодуңнуң күжүң-биле
кымдан-даа бедидир көдүрүл,
Сээң күчү-күжүңнү алгап ырлап, алдаржыдаал!
Copyright information for
TyvTUV