Psa 22 | TyvTUV | STEP | Мизмор-ыр. Давидтии. Дээрги-Чаяакчы – мээң Кадарчым . Мээң хереглээн бүгү чүвем бар .

‏ Psalms 22

Мизмор-ыр. Давидтии.

1 Дээрги-Чаяакчы – мээң Кадарчым ^a.
Мээң хереглээн бүгү чүвем бар ^b.
2 Ол мени оът-сигени хөлбең ногаан шынааларга одарладыр ^c,
оожум сугларга чедире бээр,
3 сеткилимге чаа күштү хайырлаар ^d.
Ол мени Бодунуң ат-алдары дээш
шынныг оруктар-биле эдертип бар чыдар ^e.
4 Дүмбей караңгы шынаа таварты эртип бар чытсымза-даа ^f,
айыыл-халаптан кортпас мен ^g – Сен мээң-биле болгай сен,
даянгыыжың биле шыкпыыжың мени камгалап, оожургадыр ^h.

5 Дайзыннарым көрүп турда, Сен меңээ дой кылдың,
бажымны олива үзү-биле хүндүлеп чаап бердиң ⁱ,
мээң кежиим аяа чык долу-дур!
6 Буян биле энерелиң бүгү чуртталгамда мени үдеп чоруур –
Сээң өргээңге кезээде туруп аар мен ^{▼▼22:6 Өске бурунгу сөзүглелде «Дедир ээп кээр мен» деп бижээн.}, Дээрги-Чаяакчы.