Psalms 26
Давидтии.
1Дээрги-Чаяакчы – меңээ чырык a,меңээ камгалал – кымдан коргар деп мен?
Дээрги-Чаяакчы – амыдыралым шивээзи –
кымдан сүртээр деп мен?
2Өжээтеннерим, удурланыкчыларым, дайзыннарым
бажым чиир дээш менче халдап келгеш,
боттары-ла илдигип, калырлар.
3Эңмежок аг-шериг мени бүзээлеп кээр болза,
мээң чүрээм коргуп-сүртевес b;
меңээ удур дайын-даа үнер болза, идегелим ышкынмас мен.
4Дээрги-Чаяакчыдан чаңгыс-ла дилеглиг мен,
чүткүп чеде бериксээн чүвем чүгле бо:
назынымның дургузунда Ооң бажыңынга туруп аары,
Ооң өндүр чырыын хайгаарап көөрү,
Ооң ыдыктыг өргээзинге кээри c,
Ооң күзел-соруун билип аары.
5Ол мени айыыл-халап хүнүнде
Бодунуң майгынынга хоргададып аар,
Бодунуң чадырының ажыт черинге чажырып каар,
хая кырынче көдүрүп үндүре бээр болгай.
6Ам мени бүзээлээн дайзыннарым кырынга
мээң бажым көдүрлү бээрге d,
Ооң майгынынга өөрүшкүлүг үнүм-биле
өргүлдерим эккеп салыр мен,
ырлавышаан, Дээрги-Чаяакчыны алгап-мактаар мен e.
7Дээрги-Чаяакчы, Сени кыйгырган үнүмнү дыңна,
менче ээ көрнүп, харыылап көр.
8Мээң чүрээм Сээң өмүнээңден дег:
«Менче чүткүп келиңер!» – деп тур ▼
▼26:8 Еврей сөзүглелде бо домактың утказы эки билдинмес. Болгу дег өске утказы мындыг: «Мээң чүрээм Сеңээ: „Мен Сенче чүткүп тур мен“– деп тур».
.Дээрги-Чаяакчы, мен ам Сенче чүткүп чеде бээр мен g.
9Бодуңну менден чажырбайн көр,
килеңнээштиң, Бодуңнуң чалчаңдан ойталава!
Сен меңээ дузалап турдуң, ам мени тоовайн барба, Бурганым,
мени кагба, Камгалакчым!
10Авам биле ачам-даа мени каапкаш баар болза,
Дээрги-Чаяакчы мени хүлээп алыр h.
11Дээрги-Чаяакчы,
мени Бодуңнуң орууңга өөредип каг i,
дайзындан камгалап, мени дорт оруктап эдерт.
12Мени туразында аажылаар кылдыр
дайзыннарымга хүлээдип бербе j –
мегелеп херечилээр улус k менче халдап,
өжү ханмайн турар болгай.
13А мен дириглер оранынга l
Дээрги-Чаяакчының ачы-буянын
көрүп каарымга бүзүрээр мен.
14Дээрги-Чаяакчыга идеге – кадыг-быжыг бол,
чүрээң эрес-дидим болзун m – Дээрги-Чаяакчыга идеге! n
Copyright information for
TyvTUV