Psalms 31
Давидтии. Маскил-ыр.
1Кем-буруузу өршээттинген,бачыттары арыглаттынган кижи амыр-чыргалдыг!
2Дээрги-Чаяакчы ооң бачыдын
кем-буруу кылдыр санаваан база
сеткилинде авыяас-меге чок a кижи амыр-чыргалдыг b.
3Бачыдымны чугаалавайн турумда,
хүн бүрүдеги уё-човуурумдан
ишти-хөңнүм ирип калды.
4Дүне-даа, хүндүс-даа Сээң холуң меңээ халалыг бооп келди;
аянныг чараш шырайым,
чайгы изигде кагаанымда дег, чиде берди. Сэла
5А мен Сээң мурнуңга бачыттыымны миннип,
кем-буруумну чажырбайн:
«Дээрги-Чаяакчыга кемниг херектерим
миннир мен» – деп чугааладым c.
Сен ынчан бачыдымның кем-буруузун өршээдиң d. Сэла
6Ынчангаш Сеңээ бердинген кижи бүрүзү
бачыдын эскерип каан үеде ▼
▼31:6 Еврей сөзүглелде бо шүлүктүң утказы эки билдинмес. «Бачыдын эскерип каан үеде» деп сөстерниң болгу дег өске утказы мындыг: «Чогуур үеде».
, Сеңээ мөргүзүн –ынчан ол айыыл-халаптың үеринге алыспас.
7Сен – мээң чаштыр черим сен f:
мени айыыл-халаптан адырар сен;
камгалалың өөрүшкүзү-биле бүргээр сен. Сэла
8Силерни угаан киир сургап каар мен,
эртер орууңарны айтып бээр мен;
чагыг-сүмем силерге кадып, силерден карак салбас мен.
9Аът азы элчиген ышкаш мелегейзиг болбаңарам –
аастарын чүген, суглук-биле аайынга киир тыртпас болза,
олар чагыртпас-даа g.
10Бузуттуг кижиниң човалаңы эңмежок,
а Дээрги-Чаяакчыга идегээн кижини Ооң энерели бүргээр.
11Чөптүг-шынныг улус, Дээрги-Чаяакчы дээш өөрүп-хөглеңер!
Бүгү мөзүзү эки улус, байырлаңар-ла! h
Copyright information for
TyvTUV