‏ Psalms 33

1Давидтии. Давид Авимелехтиң мурнунга угааны солуу кижи бооп баажыланып, үндүр сывыртадып алгаш, чоруй барган үеге хамааржыр ^a.

א

(алеф) 2Кайы-даа үеде Дээрги-Чаяакчыны алгап-йөрээр мен,
аксы-сөзүм ону үргүлчү алгап-мактаар.

ב

(бет) 3Дээрги-Чаяакчы дээш, мактаныр мен ^b,
базындырган улус ону дыңнааш, өөрүп-хөглээр.

ג

(гимел) 4Дээрги-Чаяакчыны мээң-биле кады алдаржыдыңар,
Ооң адын шупту чаңгыс аай кымдан арттыр мактаалы.

ד

(далет) 5Дээрги-Чаяакчыны кыйгырган мен –
Ол мени дыңнады ^c,
коргар бүгү чүүлдеримден камгалап кагды.

ה

(хе) 6Олче көрүп турган бүгү улустуң шырайы чырый берген,
оларның арыннары кыспас.

ז

(зайин) 7Кээргенчиг кижи кыйгырды – Дээрги-Чаяакчы дыңнап кааш,
ону бүгү айыыл-халавындан камгалап кагды ^d.

ח

(хет) 8Дээрги-Чаяакчының төлээзи Бургандан коргар улустуң чанынга
турлагжып туруп алгаш, оларны камгалаар ^e.

ט

(тет) 9Амзангырлап шенеп көрүңер,
Дээрги-Чаяакчының кайы хире ачы-буянныын билип каар силер ^f.
Хоргадалды Оон алыр кижи амыр-чыргалдыг ^g.

י

(йод) 10Дээрги-Чаяакчының улузу, Оон коргуп чоруңар;
Оон коргар улус түрегдел билбес ^h.

כ

(каф) 11Арзылаңнар безин түрегдеп, аштай бээр ⁱ,
а сеткили Дээрги-Чаяакчыже чүткээн улус
кандыг-даа буянның четпезин эскербес.

ל

(ламед) 12Ажы-төлүм, мени дыңнаңарам:
Дээрги-Чаяакчыдан коргарынга силерни өөредип каайн.

מ

(мем) 13Силерниң араңарда амыдыраарын күзээр,
аас-кежиктиг хүннер көрүксээр кижи бар бе? ^j

נ

(нун) 14Кара сагыштыг сөстер эдеринден кичээн,
мегечи сөстер эдер дээш аксың ажытпа ^k.

ס

(самех) 15Бузуттан чайла, буян тары ^l;
амыр-тайбыңны диле, олче чүткү.

ע

(айин) 16Дээрги-Чаяакчының карактары
чөптүг-шынныг улусче көрнүр ^m,
Ооң кулактары оларның дуза дилээн кышкызын дыңнаар ⁿ.

פ

(пе) 17А бузут үүлгедикчилеринче Ол сүртедир көрүп турар –
оларның ады чырык чер кырынга шуут артпас ^o.

צ

(цаде) 18Дээрги-Чаяакчыны улус кый дээрге, Ол дыңнап турар,
оларны бүгү айыыл-халаптардан адырып турар.

ק

(коф) 19Дээрги-Чаяакчы аажок муңгараан улуска чоок ^p;
сагыш-сеткили бастырган улусту камгалап турар.

ר

(реш) 20Чөптүг-шынныг кижиниң таваржыр айыылы хөй-даа болза,
Дээрги-Чаяакчы ону оларның шуптузундан камгалаар ^q.

ש

(шин) 21Дээрги-Чаяакчы ооң бүгү сөөктерин кадагалаар –
оларның чаңгызы-даа сыйылбас ^r.

ת

(тав) 22Бак кижини айыыл-халап сүрүп четкеш, өлүрүп каар;
чөптүг-шынныг кижини көрбес улус
кем-буруузу дээш кеземче алыр.

23Дээрги-Чаяакчы Бодунуң чалчаларының амы-тынын
адырып хостаар,
хоргадалды Оон алыр улустуң кайызын-даа
кем-буруузу дээш кезетпес.