Psalms 35
1Хөгжүм башкарыкчызынга. Дээрги-Чаяакчының чалчазы Давидтии.2Бузуттуг кижи чүрээниң ханызында
бак чүве кылырын күзээн ▼
▼35:2 Еврей сөзүглелде бо домактың утказы эки билдинмес. Өске бурунгу сөзүглелде «Мээң чүрээмниң ханызында бак кижиниң бузуду чугаалап тур» деп бижээн.
.Ол сеткилинде Бургандан шуут кортпас-тыр b.
3Ол кижи бодунга авыяастаныр дээш
бодунуң бузудун эскербес-тир, оозун көрбестей бербес-тир;
4ооң аксы-сөзү авыяас-меге-биле долган-дыр,
ол буян кылырын шуут бодавайн турар-дыр.
5Ол кижи үүлгедир дээн кемниг херээн
орун-дөжээнге чыткаш, бодап аар c,
бак орукче кире бээр база бузут үүлгедиринден чалданмас.
6Дээрги-Чаяакчы, Сээң энерелиң дээрге чедип турар,
шынчы чорууң булуттарга үзүп турар! d
7Сээң чөптүг-шынныг чорууң өндүр бедик даглар дег,
Сээң шиитпирлериң дүп чок далай дег! e
Кижилерни, мал-маганны камгалап турар сен f,
Дээрги-Чаяакчы.
8Бурганым, Сээң энерелиңниң улуг үнелиин аа g,
кижи төрелгетен Сээң чалгыннарың адаанга
хоргадаар чер тып аар h;
9улус Сээң өргээңде эът-чагны тоттур чиир,
амданныг чаагай агым сууң-биле
оларның суксунун хандырар сен;
10амыдырал хайырлаар суг бажы Сенден агып үнер болгай i,
Сээң чырыың караавысты чырыдарга,
чырыкты көрүп турар бис j.
11Сени билир улуска k – энерелиңни,
мөзүзү эки улуска – шынныг чорууңну ам-даа хайырла.
12Мени турамык кижиниң буду таптай баспазын,
бузуттуг улустуң холдары сывыртавазын.
13Бузут үүлгедип турар улус ынчан тайып ушкаш,
катап туруп шыдавайн баар l.
Copyright information for
TyvTUV