b39:4 Ыд. ыр. 32:3
c39:4 Ыд. ыр. 51:8
e39:6 Ыд. ыр. 9:2; 70:16
f39:7 Ыд. ыр. 50:18
i39:13 Ыд. ыр. 68:4
k39:15 Ыд. ыр. 6:11
l39:16 Ыд. ыр. 34:25
m39:18 Ыд. ыр. 85:1; 108:22
Psalms 39
1Хөгжүм башкарыкчызынга. Давидтии. Мизмор-ыр.2Дээрги-Чаяакчыга идегелим быжыг турду,
Ол менче ээккеш, дуза дилээн кыйгымны дыңнап каан.
3Ол мени коргунчуг тамыдан, чиндиңнээштен ужулгаш a,
буттарымны быжыг үндезинге тургузуп,
таваңгайымны быжыктырып каан;
4Ол мээң аксымга чаа ырны b –
Бурганывысты мактаан йөрээлди ырлаар арганы берген.
Хөй улус мени көргеш,
Дээрги-Чаяакчыдан коргуп c, Аңаа идегеп эгелээр.
5Туразы улуг, мегеже чайгылар улусче ▼
▼39:5 Азы: «Хоозун меге бурганнарже».
көрүнмес,Дээрги-Чаяакчыга ынаныр кижи амыр-чыргалдыг.
6Дээрги-Чаяакчы, Бурганым,
кайгамчык чүүлдерни хөйү-биле кылган сен!
Бисти бодап кээр деп чүвеңни!
Сээң-биле эннежир кым-даа чок.
Ол бүгүнү медээлеп чугаалаар мен,
кайгамчык ажыл-херектериң санап четпес хөй-дүр e.
7Өргүлдерим биле белектеримни күзеведиң f,
бүрүн өрттедир өргүлдерни-даа,
бачыт дээш өргүлдерни-даа негеведиң,
а кулактарымны ажыдып бердиң g.
8Ынчан мынча деп чугааладым:
«Бо-дур мен, кел чыдыр мен,
ыдыктыг дүрүг-номда чүнү кылырымны бижээн болгай.
9Бурганым, тура-сорууңну күүседир күзелдиг мен,
Сээң ыдыктыг хоойлуң – мээң чүрээмде h».
10Сээң чөптүүңнү аажок хөй улус чыылган черге
медээлеп турдум, аксым черле хагбас дээн мен.
А Сен ону билир сен, Дээрги-Чаяакчы.
11Сээң чөптүүңнү чүрээмге чажырып чорбаан мен,
Сээң шынныың биле камгалалыңны чугаалап турган мен,
Сээң шынчың биле энерелиңни
хөй чон мурнунга чажырбаан мен.
12Дээрги-Чаяакчы, ачы-дузаң мени черле кагбазын;
Сээң шынчың биле энерелиң мени кезээде кадагалазын.
13Санап четпес айыыл-халап мени бүргей берди,
бузуттарым мени сүрүп келди,
ынчангаш ам көрүп безин шыдавастадым –
олар мээң бажымда дүктерден-даа хөй-дүр i,
эр соруум чидириптим.
14Дээрги-Чаяакчы, менче ээ көрүн,
мени камгала; дүрген меңээ дузалап кел.
15Мени өлүрер чүткүлдүг бүгү улус бак атка кирип, ыядып човазын j.
Меңээ багай чүве күзээн улус дедир дезип, кочу-шоотка кирзин k.
16Мени «Таптыын, ол боор! l» деп турар улус
бак атка киргеш, аймааразын.
17А Сенче чүткээн бүгү улус Сен дээш өөрүп-хөглезин;
Сенден кээр камгалалга ынак улус:
«Дээрги-Чаяакчы өндүр улуг!» – деп үргүлчү чугаалап чорзун.
18А мен чөгенчиг күжүр мен m, Дээргим мен дээш сагыш човазын.
Меңээ дузалап турар Камгалакчым – Сен-дир сен.
Бурганым, саадавайн көр!
Copyright information for
TyvTUV