b43:3 Ы. х. к. 7:1
c43:4 Иис. 24:12
e43:5 Ыд. ыр. 73:12
f43:7 1 Хаан. 17:47; Ыд. ыр. 32:16-17
g43:10 Ыд. ыр. 42:2; 88:39
i43:12 Лев. 26:33
k43:15 Ы. х. к. 28:37
p43:24 Ыд. ыр. 34:23; 77:65
q43:27 Ыд. ыр. 24:20
Psalms 43
1Хөгжүм башкарыкчызынга. Корахтың оолдарыныы. Маскил-ыр.2Бурганывыс, кулаавыс-биле дыңнадывыс:
ада-өгбевистиң чурттап чорааны эрте-бурунгу үелерде
Сээң кылган ажыл-херээң дугайында
олар биске дамчыдып чугаалааннар a.
3Бодуңнуң холуң-биле Сен бо черни чоннардан хунаагаш,
ада-өгбевисти чурттадып каан сен;
шак ол бүгү аймак-чоннарны чылча шапкаш,
тарадыр сывыртапкан сен b.
4Ада-өгбевис бо черни чаалап ап турда,
оларның хылыжы-даа ону кылбаан,
күжү-даа тиилелгени оларга эккеп бербээн c,
а олар Сээң сеткилиңге кирер боорга,
Сээң күчү-күжүң биле арын-шырайың чырыы d
тиилелгени чаалап берген.
5Бурганым, Сен – Хааным сен!
Израильге камгалалды хайырлаан сен! e
6Сээң ачыңда дайзыннарны өлүр үзүп кааптар бис,
бисче халдаан улусту Сээң адың-биле таптай базып кааптар бис.
7Ча-согунумга-даа идегевес мен,
хылыжым-даа мени камгалавас f.
8Сен-не харын дайзыннардан бисти камгалаар сен,
адаан-өжээн харааннарның адын баксырадыр сен.
9Бурганны бис хүннү бадыр алгап-мактаар бис,
Сээң адыңны кезээ мөңгеде алдаржыдар бис! Сэла
10Ынчалзажок Сен ам бистен ойталадың g,
адывысты бакка суктуң,
дайын-чааже аг-шериивис баштап үнместедиң.
11Дайзыннардан бисти дестирдиң h,
бисти көөр хөңнү чок улус үптеп-тонап турду.
12Хойларны дег, бисти чишке каап бердиң,
өске чоннар аразынга тарадыптың i.
13Бодуңнуң чонуңну чиик өртекке садыптың,
ону үнелиг деп санавадың.
14Кожа чоннарга бисти кочулаарын чөпшээредиң,
дескиндир чурттап турар улуска,
дорамчылап, бак сөглезин дээш, бисти тудуп бериптиң j.
15Бисти өске чоннарга кочу-шоот кылып кагдың,
өске аймактар улузу бисти көргеш,
баштарын чайып, шоодуп тур k.
16Хүннү бадыр дорамчылатканым караамга көстүп,
ыятканымдан арным кызып тур.
17Дорамчылакчының, бастыкчының үнүнден,
адаан негекчизиниң, дайзынның көрүжүнден
арным кызып тур.
18Ол бүгү бисти хөме алды. А бис Сени утпаан,
Сээң берген чагыг-керээңге өскерилбээн ийик бис чоп!
19Чүрээвис-даа дедирленип, Сенден ойталаваан,
буттарывыс Сээң орууңну чандыр баспаан.
20А Сен бисти шөө-бөрүлер ▼
▼43:20 Өске бурунгу сөзүглелде «шөө-бөрүлер» эвес, а «улулар» деп бижээн.
турар черге mчылча баскаш, дүмбей караңгы-биле шуглап кагдың.
21Бурганывыстан ойталааш, өске бурганга мөгейип,
олче холдарывыс сунуп турган болзувусса,
22Бурган чүге ону билип кагбас деп –
чүректерниң чажыттары Аңаа ажык-ла болгай n.
23Сени дээш хүннүң-не өлүм-биле удур-дедир көржүп тур бис,
улус бисче, дөгерер дээн хойларже дег, көөр-дүр o.
24Оттуп келем, чүге удуп чыдарың ол, Дээрги?!
Кезээ шагда бистен ойталавайн, оттуп келем! p
25Чүге бистен хая көрүндүң,
түрегделге алыскан, базындырган бисти чүге уттуптуң?
26Сеткиливис довуракта таптай бастырган-дыр,
ишти-хөңнүвүс черде соястаан-дыр.
27Дүрген келем, дузадан кат,
энерелдииң-биле бисти айыыл-халаптан хоста q.
Copyright information for
TyvTUV