Psa 47 | TyvTUV | STEP | Мизмор-ыр. Корахтың оолдарыныы.

‏ Psalms 47

1 Мизмор-ыр. Корахтың оолдарыныы.
2 Дээрги-Чаяакчы өндүр улуг!
Бурганывыстың хоорайынга, Бодунуң ыдыктыг даанга
Ол аажок мактадырынга төлептиг ^a.
3 Сион даг – каас-чараш бедик чер,
бүгү делегейниң таалалы бо-дур ^b,
Цафон дагның ийлеринде өндүр улуг Хаанның хоорайы бо-дур ^{▼▼47:3 Цафон даг – еврейлер аразынга чурттап турган хананей чоннуң чүдүлгезин ёзугаар бурганнар чурттап турар даг.}.
4 Хоорайның шивээлеринде Бурган турар;
хоорайны Ол кадагалап турарын улус база билир.

5 Хааннар каттыжып алгаш ^d, Сионга удур үнгеш,
6 хоорайны көрүп кааштың, кайгап-харап,
сүртей бергеш, дезипкен.
7 Олар аңаа коргуушкунга бүргедипкен,
эъди аараан херээжен дег, хилинчээн көре берген ^e.
8 Фарсис хоорайның корабльдарын
чөөн чүктен хат-биле чуура шаап каапкан сен ^f.
9 Аг-шериглиг Дээрги-Чаяакчының хоорайынга –
Бурганывыс хоорайынга ол дугайында
дыңнаан бис, ону көрүп база алдывыс;
Бурган ол хоорайны кезээ мөңгеде доктаадып тургузуп каан. Сэла

10 Бурганывыс, энерелдииңни
Сээң өргээң иштинге угаап-бодап турдувус ^g.
11 Сээң ат-алдарың-даа, макталың-даа
чер-делегейниң кыдыгларында чеде берген ^h;
Сээң холуңну чөптүг чорук долуп турар.
12 Сээң чөптүг шииткелиң дээш, Сион даг хөглеп турзун,
Иудеяның хоорай-суурлары өөрүп турзун ⁱ.

13 Сионну дескиндир кылаштаңар, ооң суургаларын санаңар;
14 ооң быжыглалдарынче сеткил-сагыжыңарны углаңар,
ооң шивээлерин топтап көрүңер.
Келир салгалга дамчыдыңар:
15 шак ындыг Бурган – кезээ мөңгеде бистиң Бурганывыс болгай,
Ол бисти өлгүжевиске чедир ^{▼▼47:15 Еврей сөзүглелде бо сөстерниң утказы эки билдинмес. Оларның болгу дег өске утказы мындыг: «Кезээ мөңгеде».} башкарар.