Psalms 48
1Хөгжүм башкарыкчызынга. Корахтың оолдарыныы. Мизмор-ыр.2Бүгү чоннар, мону дыңнаңар a!
Өртемчейде чурттаан бүгү улус, кулактарыңар ээктириңер! b
3Кижи төрелгетен, бүгү улус,
бай-даа, ядыы-даа кижилер, дыңнаңар!
4Мээң аксы-дылым мерген угаанныг чүүл чугаалаар,
мээң бодалдарым – угаан-сарыылдыг.
5Кичээнгейимни угаадыглыг чугааже салыйн,
чадаганга тывызыымны ажыдып ойнаайн c.
6Айыыл-халап үезинде корткан херээм чүл?
Мени бастып турар улустуң кем-буруузу мени үглеп тур ▼
▼48:6 Еврей сөзүглелде бо домактың утказы эки билдинмес. Болгу дег өске утказы мындыг: «Ынчан оруктарымның кем-буруузу мени бүзээлеп кээр».
.7Ол улус боттарының күжүнге идегээр,
эртине-байлааның эмгежогу-биле мактаныр e.
8Ынчалзажок кижи канчап-даа бодунуң ха-дуңмазын
өлүмден садып хостап, ол дээш төлевирни
Бурганга берип шыдавас f.
9Улустуң амы-тынын садып хостаары
угдунмас аар өртектиг, ындыг херек кажан-даа болдунмас:
10кым-даа мөңгези-биле амыдыравас,
өлүглер оранын көрбейн барбас g.
11Билдингир болгай: мерген угаанныг-даа улус өлүп каар,
олар-биле дөмей – мелегей улус база өлүп каар; h
кандыг-даа кижи чок апаарга, эртине-байлаа өске улуска артып каар i.
12Олар сагыжынга: «Бажыңнарывыс мөңгеде турар,
оран-саваларывыс салгалдан салгал дамчыыр» деп бодаарлар,
чурттап турар черлерин боттарының аттары-биле адап аарлар ▼
▼48:12 Өске бурунгу сөзүглелде «Олар черлерни боттарының аттары-биле адап ап турар, ынчалза-даа чевеглер оларның мөңге оран-савазы болу бээр, кезээ шагда чурттаар черлери апаар» деп бижээн.
.13Ынчалзажок кижи алдар-хүндүнү үр эдилеп шыдавас –
ол өлүр тынныг мал-маганга дөмей болу бээр k.
14Мелегей улустуң эртер оруу база
мактанырынга ынак улустуң салым-чолу мындыг боор-дур: Сэла
15оларны өлүглер оранынга
хой ышкаш кажаалап каар, өлүм оларны кадарар.
Эки мөзүлүг улус эртен оларны чагырып эгелээр ▼
▼48:15 Еврей сөзүглелде бо шүлүктүң утказы эки билдинмес. «Чагырып эгелээр» деп сөстерниң болгу дег өске утказы мындыг: «Таптай базар».
,алдыы оран оларга оран-сава болу бээр,
оларның мага-боду өлүглер оранынга ирип каар.
16А Бурган мени хүлээп көрүп,
амы-тынымны өлүглер оранының холундан адырып хостаар m. Сэла
17Өске кижи байый берген дээш,
ооң бажың-балгадының каас-коязы
дендеп турар дээш, кортпайн көр.
18Ол кижи өлүп калгаш, бодунга чүнү-даа ап шыдавас,
каас-коязын ол чевегже алгаш барбас n;
19ол кижи дириг чорааш, мага ханып,
ажыл-херектери эки чоруп турган дээш,
улуска мактадып турган-даа болза,
20кезээ мөңгеде чырык көрбес оранче o
ада-өгбелериниң соондан чоруй баар.
21Алдар-хүндүлүг-даа болза, угаан чок кижи
өлүр тынныг мал-маганга дөмейлежир p.
Copyright information for
TyvTUV