Psalms 53
1–2Хөгжүм башкарыкчызынга. Хылдыг хөгжүм херекселдери үдээр. Маскил-ыр. Давидтии. Зифтиң чурттакчылары Саул хаанга келгеш: «Давид бистиң аравыста чаштынып турар болгай» – дээн таварылгага хамааржыр a.
3Бурганым! Бодуңнуң адың-биле мени камгала;
Бодуңнуң күчүң-биле мени агарт!
4Бурганым! Мөргүлүмнү дыңнап, аксы-сөзүмнү кичээнгейге ал.
5Хары улус менче халдап келди; түрлүг улус амы-тынымны үзер деп тур –
Бурганны тооп көрбес улус ол-дур b. Сэла
6Дыңнаңар! Бурган меңээ дузалап тур,
Дээрги мээң сеткилимни быжыктырды.
7Дайзыннарымны бузуду дээш кезедип көр,
чөптүг болгаш, оларны Сен узуткап каг c.
8Эки турам-биле Сеңээ өргүлүм салыр мен,
Дээрги-Чаяакчы, Сээң адыңны, ачылыг боорга, алдаржыдар мен.
9Сен мени хамык айыыл-халавымдан адырган болгай сен,
дайзыннарым буураанын-даа караам-биле көрүп тур мен d.
Copyright information for
TyvTUV