Psa 56 | TyvTUV | STEP | Хөгжүм башкарыкчызынга. «Узуткава» деп аялга үдээр . Давидтии. Миктам-ыр. Давидтиң Саулдан куйже дезе бергени үеге хамааржыр .

‏ Psalms 56

(Ыд. ыр. 107:2-6)

1 Хөгжүм башкарыкчызынга. «Узуткава» деп аялга үдээр ^a. Давидтии. Миктам-ыр. Давидтиң Саулдан куйже дезе бергени үеге хамааржыр ^b.
2 Менче ээ көрнүп көр, Бурганым,
мени өршээп көр, сеткилим Сеңээ идегеп чор,
айыыл-халап эрткижеге чедир,
Сээң чалгыннарың адаанга хоргадаар мен ^c.

3 Дээди Өрүкү Бурганны кыйгырар мен,
Ол мээң өжээним негеп бээр ^{▼▼56:3 Азы: «Ол меңээ ачы-буян хайырлап турар» (Ыд. ыр. 137:8 көр).};
4 Ол менче дээрлерден дуза бадырып, камгалаар ^e,
мени чылча базар дээн кижини чемелеп кончуур. Сэла
Бурган меңээ шынчы чоруу биле энерелин бадырып бээр.

5 Мен – арзылаңнар аразында мен ^f,
кижи эъди чиир араатаннар аразында чыдыр мен,
оларның диштери чыдалар биле согуннар дег,
а дылдары чидиг хылыш-ла ^g.

6 Бурганым, дээрлерден-даа бедидир көдүртүп, мактат,
Сээң алдарың бүгү чер-делегей кырынга чайынналзын!

7 Дайзыннарым буттарымга какпа салып каан,
ырмам сыккан; мээң оруумга оңгар каскаш,
боттары ынаар караш дээн ^h. Сэла

8 Бурганым, мээң чүрээм быжыг соруктуг,
чүрээм быжыг соруктуг ⁱ:
Сени алгап ырлап, алдаржыдар мен.
9 Сеткилим оттуп келзин! ^j
Чанзы биле чадаган, одунуңар! ^k
Эртенги хаяаны оттурайн!
10 Дээрги, мен Сени чоннар аразынга мактаар мен,
аймактар аразынга алгап ырлаар мен.
11 Сээң энерелиң дээрлерге чедип турар,
Сээң шынчы чорууң булуттарга үзүп турар ^l.

12 Бурганым, дээрлерден-даа бедидир көдүртүп, мактат,
Сээң алдарың бүгү чер-делегей кырынга чайынналзын!