Psa 58 | TyvTUV | STEP | Хөгжүм башкарыкчызынга. «Узуткава» деп аялга үдээр . Давидтии. Миктам-ыр. Давидти өлүрүп каар дээш, Саул ооң бажыңын кедээр кылдыр улус чорудупкан үеге хамааржыр .

a58:1 Ыд. ыр. 56:1; 57:1; 74:1

b58:1 1 Хаан. 19:11

c58:2 Ыд. ыр. 19:1

d58:4 Ыд. ыр. 9:30

e58:4 1 Хаан. 24:12

f58:7 Ыд. ыр. 21:17

g58:9 Ыд. ыр. 2:4; 36:13

h58:10 Ыд. ыр. 9:10

i58:11 Ыд. ыр. 20:4

j58:11 Ыд. ыр. 53:9

k58:12 Э. д. 15:1

l58:13 У. ч. 12:13

m58:15 Ыд. ыр. 21:17

n58:17 Ыд. ыр. 17:3

‏ Psalms 58

1 Хөгжүм башкарыкчызынга. «Узуткава» деп аялга үдээр ^a. Давидтии. Миктам-ыр. Давидти өлүрүп каар дээш, Саул ооң бажыңын кедээр кылдыр улус чорудупкан үеге хамааржыр ^b.
2 Бурганым, дайзыннарымдан мени адыр,
менче халдаан кижилер четпес черже мени аппар ^c.
3 Кем-буруу үүлгедир улустан адыр,
ол өлүрүкчүлерден камгала.
4 Амы-тыным үзер дээш, олар мени кедээр-дир ^d;
күштүг улус меңээ удур эвилел кылып турар-дыр,
а күжүр мээң бузудум-даа, бачыдым-даа чок ийин ^e,
Дээрги-Чаяакчы.
5 Кем-буруу чок менче халдап, белеткел кылып турар-дыр –
көрүп көрем, Дээрги-Чаяакчы, оттуп келгеш, меңээ дузала.
6 Бурганым, Аг-шериглиг Дээрги-Чаяакчы,
Израильдиң Бурганы!
Дүрген келгеш, бүгү чоннарны кезет.
Сеңээ шынчы эвес, бузут кылып чоруур улуска
өршээл бербе. Сэла

7 Дайзыннарым кежээлерде ээп келгеш,
ыттар ышкаш улуур-дур ^f,
хоорайны дескиндир кедеңгирлеп чоруур-дур.
8 «Дыңнап турар кижи чок!» – деп бодап,
чараазын сыырып, аастарында
хылыш бар дег турарларын көр.

9 А Сен оларны кочулап тур сен, Дээрги-Чаяакчы ^g,
ол чоннарның шуптузун сотка олуртуп тур сен.
10 Күчү-күш – Сенде, Сээң дузаң манап тур мен –
Бурганым мээң шивээм болгай ^h.
11 Мээң энерелдиг Бурганым мени уткуп кээр ⁱ,
дайзыннарым буураарын көөр арганы бээр ^j.

12 Мээң чонум утпас кылдыр, дайзыннарны Сен өлүрбе;
дозуг-камгалалывыс Дээрги ^k,
оларны Бодуңнуң күжүң-биле силгип, чыттыр шаавыт!
13 Аксы-дылының бачыды дээш, аксындан үнген сөстери дээш,
аксы-сөзүнүң каргыжы, оп-мегези дээш,
дайзыннарым адыыргак чоруунуң дузаанга туттуруп алзын ^l.
14 Килеңнээштиң, оларны Сен буурат-ла, буурат,
чок болуп, читсиннер-ле.
Улус ынчан Бурганның чер-делегейни ооң кыдыгларынга чедир
Израильден чагырып турарын билип алыр. Сэла

15 Дайзыннарым кежээлерде ээп келгеш, ыттар ышкаш улуур-дур ^m,
хоорайны дескиндир кедеңгирлеп чоруур-дур;
16 аъш-чем дилеп, чимзенир-дир,
аштап-суксааш, хыйланып улуур-дур.

17 А мен Сээң күчү-күжүң алгап ырлаайн,
эртен эрте энерелиң алгап-мактаайн –
айыыл-халап мени тавараан хүнде
камгалалым, хоргадалым Сенде болгай ⁿ.
18 О, мээң Күчүм! Сени алгап ырлап көрейн –
шивээм болур Бурганым сен, энерелдиг Бурганым сен!