Psalms 62
1Мизмор-ыр. Давидтии.Ооң Иудеяның ээн ховузунга турган үезинге хамааржыр a. 2Бурган, Сен – мээң Бурганым сен,
сыгыр даң бажындан-на Сенче чүткүп b, мөргүл кылдым;
ээн кургаг, суг чок черге сеткилим Сени күзеп,
мага-бодум Сени хереглеп тур c.
3Ыдыктыг өргээңге Сени көөрүм кай,
Сээң күчү-күжүң биле өндүр чырыыңны көөрүм кай!
4Сээң энерелиң амыдыралдан-даа үнелиг-дир d.
Аксы-сөзүм Сени алгап-мактаар.
5Дириг чорааш, Сени ынчалдыр алгап-йөрээр мен e,
Сээң адың мактап, холдарым өрү сунар мен.
6Эът-чагга тотканы дег, сагыш-сеткилим тодуп тур,
аксы-сөзүм Сени өөрүшкүлүг үн-биле алгап-мактап тур.
7Орун-дөжээмге чыткаш, Сени сактып,
дүннү өттүр Сээң дугайыңда бодаар мен f:
8Сен меңээ дузалап келдиң,
Сээң чалгыннарың адаанга g өөрүп-байырлаар мен.
9Сеткилим Сенден салдынмайн турупкан,
Сээң холуң – мээң чөленгиижим.
10А мээң амы-тынымны үзүксээн улус
чер алдында тамыже дүжүп кире бээр h;
11оларны хылыш-биле шанчып өлүрүп каарга,
дилгилерге чемиш апаарлар.
12Хаан Бурган дээш өөрүп-хөглээр,
Ооң ады-биле даңгырак берген i бүгү улус чоргаарланыр,
а мегелеп чугаалаар улустуң аксы хагдына бээр j.
Copyright information for
TyvTUV