Psalms 66
1Хөгжүм башкарыкчызынга. Хылдыг хөгжүм херекселдери үдээр. Мизмор-ыр.2Бурганывыс, бисче ээ көрнүп,
ачы-буяның хайырлап көр,
Бодуңнуң чырыткылыг шырайыңны биске көргүс a. Сэла
3Чер кырынга Сээң орууңну, бүгү чоннар аразынга
Сээң берген камгалалыңны улус ынчан билип алыр b.
4Бурганывыс, бүгү чоннар Сени алгап-мактазын,
аймактар шупту Сени алдаржытсын!
5Аймак-чоннар өөрүп-байырлазын –
Сен чоннарны чөптүү-биле шиидип c,
чер кырында аймактарны башкарып турар болгай сен. Сэла
6Бурганывыс, бүгү чоннар Сени алгап-мактазын,
аймактар шупту Сени алдаржытсын!
7Чер биске бодунуң дүжүдүн берзин ▼
▼66:7 Азы «Дүжүдүн берген».
,Бурганывыс биске ачы-буянын хайырлазын e.
8Бурган биске ачы-буянын хайырлазын,
черниң бүгү девискээрлеринде чурттаан улус
Оон коргуп чорзун!
Copyright information for
TyvTUV