‏ Psalms 67

1Хөгжүм башкарыкчызынга. Давидтии. Мизмор-ыр.
2Дээрги-Чаяакчы туруп кээр ^a –
Ооң дайзыннары тарадыр маңнажы бээр,
Ону көөр хөңнү чок улус Оон дезип ыңай боор ^b.
3Ыштың тарай бээри дег ^c,
оларны тарадыр сывырыптар сен;
чуктуң отка эстири дег ^d,
бузуттуглар Бурганның мурнунга кырлып каар.
4А чөптүг-шынныг улус хөглээр,
Бурганның мурнунга өөрүп-байырлаар, аас-кежиинге таалаар ^e.

5Бурганывысты алгап ырлаңар, Ооң адын мактаңар.
Ээн ховуда бар чыдар Бурганга ^f оруктан белеткеңер ▼

▼67:5 Азы: «Дээрлерде бар чыдар Бурганны кымдан арттыр мактаңар».

;
Ооң ады – Дээрги-Чаяакчы, Ооң мурнунга өөрүңер.
6Өскүстерге Ада болур ^h, дулгуяк кадайларга болчуп,
чөптүг шиитпир үндүрер Бурган ⁱ
Бодунуң ыдыктыг өргээзинде турар.
7Бурган чааскаанзыргай улуска өг-бүлени хайырлаар ^j,
хоругдаттырган улусту хостап, аас-кежикче үндүре бээр ^k,
а Аңаа удурланган улус дунааргай изиг ээн ховуга артып каар.

8Бурганывыс, Бодуңнуң чонуңну баштап алгаш,
үнүп бар чыдырыңда,
ээн кургаг ховулап эртип бар чыдырыңда ^l, Сэла
9Сээң мурнуңга чер шимчеп,
дээрден чаъс куттулуп турган ийик,
Синай даг безин Израильдиң Бурганының мурнунга
сирилеп турган ийик ^m.
10Бодуңнуң өнчү-чериңче элбек чаъсты
чагдырып турган сен, Бурганывыс,
ол чер могап туруптарга, быжыктырып турган сен.
11Бодуңнуң чонуңну ол черге
чурттадып каан сен, Бурганывыс.
Бодуңнуң ачы-буянныың-биле
түрегдээн улусту быжыктырып каан сен.

12Дээрги бо сөзүн чугаалап, буянныг медээлер чедирер
улуг аг-шериин айбылап чоруткан:
13«Өжээтен аг-шериглерниң хааннары
дезип-ле, дезип-ле тур ⁿ,
а бажыңнарында кыс улус олча-тывышты үлежип тур.
14Аал-ораныңарга хой кадарып артып калгаш безин,
чалгыннарын мөңгүн-биле, чүглерин арыг алдын-биле
шап каан көге-бугалар дег болу бээр силер».
15Күчүлүг Бурган
шак ол черниң хааннарын тарадыр сывырыптарга,
чер боду Селмон дагның бажында ^o хар дег агара берген.

16Аажок бедик Васан даг, хөй баштыг Васан даг!
17Хөй баштыг даглар,
чүге Сион дагже адааргап көрүп тур силер?
Ол даг дээрге Бурганга чурттаксанчыг чер-дир,
Дээрги-Чаяакчы аңаа кезээ мөңгеде чурттаар ^p.
18Бурганның дайынчы тергелери ^q муң-муң, дүк-түмен,
Дээрги оларның аразында, ыдыктыг чер Синайда.
19Сен бедидир өрү көдүрүлген сен, хөй улусту тудуп алгаш,
кижилерден албан-үндүттү хүлээп алган сен ^r;
Дээрги-Бурган-Чаяакчы ам
Аңаа удурланган улус аразынга безин чурттаар.

20Дээргиге алдар! Бурган хүннүң-не
бистиң үүрге-чүгүвүстү чүктээр ^s, Боду бисти камгалаар. Сэла
21Бурган биске камгалал эккээр Бурган болур,
өлүм Дээрги-Бурган-Чаяакчының эргезинде.
22Бурган Бодунуң дайзыннарының бажын,
буруузунга алзып алган улустуң дүктүг тейин буза шаап каар ^t.
23Дээрги мынча деп чугаалаан:
«Дайзыннарны Васан дагдан сүрүп эккээр мен,
далай дүвүнден-даа сүрүп эккээр мен ^u;
24ынчан буттарың дайзыннарың ханын сүзер ^v,
ыттарың оларның мөчү-сөөгүн чылгаар».

25Бурган, улус-чон Сээң бар чыдарыңны көрүп тур –
мээң Бурганымның, Хаанымның
ыдыктыг өргээже бар чыдарын көрүп тур.
26Мурнунда – ырлашкан улус,
ортузунда – тимпаннар ▼

▼67:26 Тимпан – дүңгүрге дөмейлешкек хөгжүм херексели.

соп ойнаан аныяк кыстар,
а соонда – хөгжүмчүлер шуужуп бар чыдыр.
27Израильдиң үре-салгалындан укталган улус бодунуң чыыштарынга
Дээрги-Бурган-Чаяакчыны алгап-йөрээп тур.
28Шуушкан чон аразында: хеймер Вениаминниң аймаа –
оларны баштап бар чыдар аймак ^x;
Иуданың аймааның чагырыкчылары
мөөңнежип алган бар чыдар;
Завулон биле Неффалимниң
аймактарының чагырыкчылары база.

29– 30Бурганың күчү-күштү сеңээ сиңирип берген.
Бурганывыс, Иерусалимде турар Бодуңнуң өргээңден
биске бодарадып берген күчү-күжүңнү быжыглап көр!
Хааннар Сеңээ албан-үндүдүн эккеп бээр ^y.
31Кулузунда турар аңны ▼

▼67:31 Кулузунда турар аң – Египетти ынча деп турар чадавас.

чемеле –
инек мал дег чоннар аразында мөңгүн былаажып үскүлешкен
кодан баштыңы бугаларны ^aa сойгала;
чаа-дайын күзээн чоннарны тарадыр сывырывыт.
32Египеттен элчиннер чедип кээр,
эфиоп чон Бурганче холдарын сунар ^ab.

33Черниң күрүнелери, Бурганга ырлап бериңер,
Дээргини алгап ырлаңар! ^ac Сэла
34Дээрги эң бедик, эрте-бурунгу дээрде чоруп тур ^ad.
Дыңнаңар – Ооң үнү чаңгыланып тур ^ae.
35Бурганның күчү-күжүн хүлээп үнелеңер.
Ооң өндүр бедии – Израильдиң кырында,
Ооң күчү-күжү – булуттардан-даа бедикте.
36Бурган, Бодуңнуң ыдыктыг өргээңге сүрээденчиг сен.
Израильдиң Бурганы Бодунуң чонунга
күчү-күштү хайырлап турар ^af.
Бурганга алдар!