‏ Psalms 72

Мизмор-ыр. Асафтыы.

1Бурганның израиль чонга,
арыг чүректиг улуска ачы-буянныын! a

2А мээң буттарым бичии-ле болза, тендирий бээр часты,
таваңгайларым бичии-ле болза, тая бээр часты.
3Чүге дээрге бузуттуг улустуң чаагай амыдыралын көргеш,
шак ол турамык улуска адааргай берген мен b.
4Олар өлүр үезинде хилинчек көрбес,
чүге дээрге кадык-шыыраа кончуг-дур.
5Бүгү улус ышкаш, чилчик үзер күш-ажыл кылбас-тыр,
өскелер ышкаш хилинчек көрбес-тир.
6Ынчангаш олар адыыргак чорукту,
моюнга азар каасталга дег, азып алганнар,
каржы-дошкун чорукту, хеп дег, кедип алганнар.
7Оларның семирээн чүректеринден
бузут үндүр агып турар
72:7 Өске бурунгу сөзүглелде «Семирээнинден карактары чарлыр чеде берген» деп бижээн.
,
олар бузуттуг бодалдарынга бүрүнү-биле алзып алганнар.
8Ындыг улус кочулажып чугаалап,
нүгүлдү өш харап тарадып, улуургап турдулар.
9Дээрлерже өгү-дылын караңнаттылар,
аксы-дылын чер кырынга кызаңнаттылар.

10Ынчангаш Бурганның чону база ол улусту эдерип,
оларның сөстерин, аяк долдур суг
кудуп ишкен дег, хүлээп ап турар.
11Бузуттуглар: «Бурган канчап билип каарыл? d
Дээди Өрүкүнүүнде бүгү-ле чүвени билир деп бе?» – дижип турар.
12Шак мындыг – кезээ мөңгеде сагыш амыр,
эртине-байлакты эңдере чыып ап чоруур
бузуттуг улус турар боор-дур.

13Чүрээмни хей-ле арыглап ап,
холдарымны кем-буруу чок чоруумга
хей-ле чуп ап чораан мен бе? e
14Хүннү бадыр хинчек көрүп,
эртенниң-не кижизидилге ап келдим.
15Ынчалза-даа: «Бузуттуглар дег боданыйн» –
деп чугаалаар болзумза,
Сээң ажы-төлүң болур чоннуң мурнунга
буруудаар ийик мен.

16Ол бүгүнү билип аар дээш, боданып турдум,
ынчалзажок меңээ бергези кончуг болду –
17Бурганның ыдыктыг өргээзинче кире бергеш,
бузуттугларның салым-чолунуң канчаар төнерин f
чүгле ынчан билип алдым.

18Шынап-ла, Сен оларны тайгыр орукка тургузуп g,
кооргалче киир идип турар-дыр сен.
19Карак чивеш аразында олар буурап дүжүп, чиде берди,
коргунчуг айыыл-халаптардан кырлып калды.
20Оттуп келген кижиниң уттуптары дүш дег,
Сен оларның дүрзүлерин Бодуңнуң хоорайыңга
херекке албас сен, Дээрги.

21Мээң чүрээм хөлзеп-дойлуп турда,
ишти-хөңнүм ажып-саргып турда,
22чүнү-даа билбес, мелегей кижи турган мен,
Сээң мурнуңга мал-маган дег турган мен h.
23Ындыг-даа болза, мен кезээде Сээң-биле кады мен,
Сен мээң холумдан чедип ап турар сен;
24Бодуңнуң сүмең-биле меңээ орук айтып чор сен,
алызы барып, мени алдаржыдып, хүлээп аар сен.
25Дээрде меңээ Сенден өске кым барыл?
Сээң-биле кады тургаш, чер-делегейниң чүзүн-даа күзевес мен i.
26Мага-бодум биле чүрээм харыксырап турду,
а Сен – чүрээмниң быжыгланыр күжү сен,
меңээ кезээ мөңгеде онаашкан үлүүм сен, Бурганым j.
27Сенден ырай берген улус өлүп каар,
Сеңээ өскерилген кандыг-даа кижини узуткап турар болгай сен.
28А меңээ – Бурганче чоокшулаары ачылыг k.
Дээрги-Бурган-Чаяакчыны хоргадалым кылып алдым –
Сээң хамык ажыл-херектериң дугайында медээлээр мен l.
Copyright information for TyvTUV