Psalms 73
Маскил-ыр. Асафтыы.
1Бурганывыс, чүге бистен кезээ шагда ойталадың,чүге Сээң килеңиң кодан хоюңче кыптыгып турарыл? a
2Эрте шагда бистиң аймаавысты
Бодуңга өнчү кылдыр садып хостап алгаш,
Сион дагга чурттап туруп алган сен b.
Ам ол чонуң дугайында бодап көр.
3Бүрүнү-биле бузуп каапкан өргээңче
базымнарың шиглеп, кылашта даан,
ыдыктыг черге турган бүгү чүвени
дайзын кайы хире үреп бузуп каапкан-дыр!
4Дайзыннарың Сээң тодарадып каан чериңге хөректенип турду,
аңаа бодунуң туктарын киискидип азып алды c.
5Шыргай аргаже балды аннып,
ыяш кезер диген кижилер-биле дөмей болуп,
6Сээң өргээңниң оюп сиилбээн каасталгазын d
маска болгаш балды-биле чуура шаап каапты.
7Ыдыктыг өргээңни өрттедипкеш,
ат-алдарың ээлээн черни таваан карартыр бужартадып каапты.
8«Оларны шуут таптай базып кааптаал» – дээн соонда e,
дайзыннарың Сээң тодарадып каан шупту черлериңни
бүгү чуртта өрттедипти.
9Бистиң туктарывыс ам киискип көзүлбестээн;
Бурганның медээчизи ам чок,
кажанга дээр ындыг боорун билир кижи база чок! f
10Бурганывыс, дайзын Сени кажанга дээр бак сөглээрил?
Өжээтен Сээң адыңны кезээ мөңгеде дора көөр бе?
11Холуңну чүге бистен чайладыр сен? g
Күштүг холуңну хойнуңдан ужулгаш,
дайзыннарны чок кылып каавыт!
12Бурганывыс, эрте-бурунгудан бээр Хаанывыс,
Сен чер-делегейге камгалалды боттандырып турар сен h.
13Далайны Сен күчү-күжүң-биле чылча шаптың,
күчүтен моостарның баштарын сугга чуура шаптың i.
14Сен Левиафанның ▼
▼73:14 Левиафан – ханаан мифологияда сугнуң күчүтен моозу азы улузу. Ол амытан Бурганның удурланыкчызының символу болур. Мында Египеттиң ойзу адаан ады бооп чадавас.
баштарын ууй шапкаш,ээн ховунуң аң-меңинге ▼
▼73:14 Еврей сөзүглелде «ээн ховунуң аң-меңинге» деп сөстерниң утказы эки билдинмес. Болгу дег өске уткалары мындыг: «Ээн ховунуң чурттакчыларынга» азы «Далайжыларга».
чемиш кылдыр октап бердиң.15Сен суг бажын, соглуучал хемнерни аксып бадырыптың l,
үргүлчү агып чыдар хемнерни кургадыптың m.
16Дүн-даа Сээңии, хүн-даа Сээңии,
ай биле хүннү дээрге быжыглап кагдың n.
17Сен чер-делегейде шупту кызыгаарларны,
хемчээлдерни тургускан сен;
чай биле кышты бар кылып каан сен o.
18Мону сактып келем, Дээрги-Чаяакчы!
Дайзыннар Сени бак сөглеп турду,
угаан чок хейлер Сээң адыңны дора көрүп турду.
19Көге-бугаңның p амы-тынын араатанга каап бербе,
кээргенчиг улузуңну долузу-биле утпайн көр.
20 Чагыг-керээңни бода q –
черниң дүмбей булуңнарын күш дөгээр улус ээлээн болгай.
21Дарлаткан чоннуң ады баксырап артып калбазын,
ядыы-түреңги чон Сээң адыңны алгап-мактазын.
22Бурганым, дүрген келем, чаргыңны удуп ап көр,
угаан чок хейниң хүннү бадыр
Сени бак сөглеп турганын бода даан.
23Дайзыннарыңның алгы-кышкызын,
Сенче халдап турар улустуң
үзүк-соксаал чок шимээн-даажын утпайн көрем r.
Copyright information for
TyvTUV