Psa 75 | TyvTUV | STEP | Хөгжүм башкарыкчызынга. Хылдыг хөгжүм херексели үдээр. Мизмор-ыр. Асафтыы.

‏ Psalms 75

1 Хөгжүм башкарыкчызынга. Хылдыг хөгжүм херексели үдээр. Мизмор-ыр. Асафтыы.
2 Иудеяда Бурган билдингир,
Израильде Ооң ады өндүр улуг.
3 Салимде ^{▼▼75:3 Салим – Иерусалимниң эрте-бурунгу ады (Э. д. 14:18 көр).} – Ооң чурттаар майгыны,
Сион дагда – Ооң турар чери бар ^b.
4 Ол аңаа дайзыннарның ча биле согуннарын сый тыртып ^c,
дозуг-камгалал биле хылышты –
дайын-чааның чепсээн узуткап каан. Сэла

5 Дээрги-Чаяакчы, мөңге даглардан ^{▼▼75:5 Өске бурунгу сөзүглелде «Олча-тывыш долган даглардан» деп бижээн.}
чырыткылыг-даа, өндүр улуг-даа сен!
6 Эрес-дидим дайзыннар эт-хөреңгизин
олчалаткан, одунмас уйгузунга алыскан ^e,
дайынчылар холдарын көдүрер күш тыппаан.
7 Израильдиң Бурганы, Сээң чемелелиңден
мунукчу-даа, аът-даа ^f мөңге уйгу-биле удуп калган.

8 Сээң коргунчууң кончуг-дур, килеңней бээриңге,
Сеңээ удур туржуп шыдаар кым барыл? ^g
9 – 10 Дээрлерден шииткелиңни дыңнаткан сен –
черниң бүгү томаанныг улузун камгалаар бодааш,
Бурган шииткел үндүрер дээш туруп келген –
чер-делегей кортканындан шимээн чок барган. Сэла

11 Кижилерниң килеңи Сеңээ мактал бооп хуула бээр,
Бодуңнуң килеңиңниң арткан кезээн чавырып аар сен ^{▼▼75:11 Еврей сөзүглелде бо шүлүктүң утказы эки билдинмес. Болгу дег өске утказы мындыг: «Килеңнээн Эдом безин Сени мактаар, Хамат хоорайның бузундулары Сен дээш байырлаар».}.
12 Дээрги-Чаяакчыга – Бурганыңарга
берген даңгырааңарны күүседиңер! ⁱ
Ону хүрээлээн бүгү чоннар
сүрээденчиг Бурганга албан-үндүдүн эккеп берзин ^j.
13 Ол чагырыкчыларның сузун базар,
чер-делегейниң хааннарын коргудар.