b78:2 Ы. х. к. 28:26
e78:5 Ыд. ыр. 84:6; 88:47
g78:7 Ыд. ыр. 13:4
l78:10 Ы. х. к. 32:43
m78:11 Ыд. ыр. 101:21
Psalms 78
Мизмор-ыр. Асафтыы.
1Бурганывыс, өнчүң болур черже өске чоннар улузу чедип келгеш,Сээң ыдыктыг өргээңни бужартатты a, Иерусалим хоорайны үреп бусту.
2Сээң чалчаларың мөчү-сөөгүн дээрниң куштарынга
хөндеп чиир кылдыр октап берген,
Сеңээ бердинген улустуң мага-бодун
черниң аң-араатаннарынга каап берген b.
3Иерусалимни долгандыр улустуң ханы
суг ышкаш агып чыдыр, оларны орнукшудар кижи чогул c.
4Кожа чоннарга кочуладып тур бис,
дескиндир чурттап турар улуска
дорамчыладып, бак сөгледип тур бис d.
5Дээрги-Чаяакчы, чежеге дээр килеңнээр сен?
Кезээ мөңгеде бе?
Хүннээн сеткилиң чежеге дээр от дег кыварыл? e
6Сээң килеңиң Сени билбес чоннарже,
Сээң адыңны мактавас күрүнелерже кыптыксын! f
7Чүге дээрге олар израиль чонну сыырыпкан g,
ооң чурттаан черин хоозурадып каан болгай.
8Бистиң ооң мурнунда кылган кем-буруувус дээш ▼
▼78:8 Азы: «Ада-өгбелеривистиң кем-буруузу дээш».
,бисти кезетпе i; өршээлиң дүрген-не биске уткуй келзин –
аажок базындырып чор бис.
9Бодуңнуң алдарлыг адыңны бодааш, дузалап көр,
Камгалакчы Бурганывыс.
Бодуңнуң адың дээш бисти камгалап, бачыттарывысты өршээп көр j.
10Өске чоннар: «Боларның Бурганы кайыл?» – деп айтырбазын k.
Өске чоннар улузундан чалчаларыңның төгүлген ханы дээш
өжээн негээн кеземчең биске билдингир апарзын l.
11Хоругдаттырган кижиниң човууру Сеңээ дыңналып четсин;
өлүр четкен улусту өндүр улуг күжүң хостап кагзын m.
12Дээрги, Сени дорамчылап турган
кожа чоннарның дорамчылалын оларның боттарынга
чеди катап хөй кылдыр ээлдирип бер n.
13А бис – Сээң чонуң, коданыңда хой-сүрүүң o
Сеңээ кезээ мөңгеде өөрүп четтирип,
Сени салгалдан салгал дамчып алгап-мактаар бис!
Copyright information for
TyvTUV