Psa 79 | TyvTUV | STEP | Хөгжүм башкарыкчызынга. «Шошанним-Эдуф» деп аялга үдээр . Асафтыы. Мизмор-ыр.

a79:1 Ыд. ыр. 59:1

b79:2 Ыд. ыр. 76:21; Эккл. 12:12

d79:2 1 Хаан. 4:4; 2 Хаан. 6:2; Ыд. ыр. 98:1

e79:2 Ы. х. к. 33:2; Ыд. ыр. 49:2

f79:3 Сан. 2:18-24

g79:4 Ыд. ыр. 59:3

h79:4 Сан. 6:25

i79:5 Ыд. ыр. 88:47; Зах. 1:12

j79:6 Ыд. ыр. 41:4; 101:10

k79:8 Сан. 6:25

l79:9 Иса. 5:1; Иер. 2:21; Мф. 21:33

m79:9 Ы. х. к. 7:1

n79:12 Ыд. ыр. 71:8

o79:13 Ыд. ыр. 88:41; Ыы. 2:2

p79:15 Иса. 63:15

q79:17 4 Хаан. 25:9

s79:20 Сан. 6:25

‏ Psalms 79

1 Хөгжүм башкарыкчызынга. «Шошанним-Эдуф» деп аялга үдээр ^a. Асафтыы. Мизмор-ыр.
2 Израильдиң Кадарчызы ^b, дыңнап көрем!
Иосифтиң салгалын хой дег сүрген Сүрүкчү,
херувимнер ^{▼▼ 79:2 Дээрги-Чаяакчы ыдыктыг аптарада тургускан херувимнер дүрзүлериниң кырында, Бодунуң дүжүлгезинде дег, саадап олурар дээни ол (Хост. 25:17-22 көр). Азы херувимнер сөөрткен чуузада олурар дээни ол.} кырында саадап олурар Бурган ^d,
чырып көстүп келем! ^e
3 Эфремниң, Вениаминниң,
Манассияның аймактарының мурнунга ^f
күчү-күжүң көргүзүп, бисти камгалап чедип келем!
4 Бурган, бисти база катап тургузуп калам! ^g
Арның чайынналдыр чырызын ^h – камгалалды ынчан чедип аар бис.

5 Аг-шериглиг Дээрги-Бурган-Чаяакчы!
Чежеге дээр Бодуңнуң чонуң мөргүлүн хорадап дыңнавас сен? ⁱ
6 Чонуңну Сен карак чажы-биле чемгердиң,
эңмежок карак чажын аңаа пөктүр ижиртип кагдың ^j.
7 Сен бистиң черивисти кожа чоннарга
маргыжар чылдак кылып каан сен,
дайзыннарывыс бисти кочулап тур.
8 Аг-шериглиг Бурган! Бисти база катап тургузуп калам!
Арның чайынналдыр чырызын ^k –
камгалалды ынчан чедип аар бис.

9 Сен Египеттен виноград сывы дег ^l чонуңну көжүрүп эккелгеш,
өске чоннарны черден үндүр сывырыпкаш ^m, ону тарып каан сен;
10 ооң өзер черин аштап-арыглап,
дазылдарын быжыглаан сен –
ол виноград чер кырын долдур үнүп келген.
11 Ооң хөлегези дагларны шыва апкан,
ооң сыптары аажок бедик пөштер дег.
12 Ол бодунуң сыптарын далайга чедир,
өзүмнерин Евфрат хемге чедир дөстелдирипкен ⁿ.

13 Бодуңнуң виноградыңны долгандыр туткан
херимнерни ам чүге үреп бустуң? ^o –
эрткен-дүшкен шупту улус ам ону үзе тыртып турар-дыр.
14 Арганың черлик хаваны ону тура казып тур,
шөлдерниң хээкчилери хемирип чип тур.
15 Аг-шериглиг Бурган! Эглип кээп, өршээ,
дээрден топтап көр ^p, бо виноградты карактап көр.
16 Бодуңнуң холуң олурткан дөстерни,
Бодуңга шилип алганың өзүмнерни кадагала.
17 Оларны от-даа чигген, кезип-даа каапкан ^q –
Сээң килеңнээн алгыңдан олар өлүп каар-дыр.
18 Бодуңнуң оң талаңга турар кижини,
Бодуңга шилип алганың кижини ^{▼▼79:18 Кижи – еврей дылдан дорт очулдурарга, «кижи амытан оглу» дээн. Израиль хаан бооп чадавас.} Сээң күчү-күжүң карактазын.

19 Бис база Сенден ойталавас бис.
Бисти тынгарып каг – Сээң адыңны мактап кыйгырар бис.
20 Аг-шериглиг Дээрги-Бурган-Чаяакчы!
Бисти база катап тургузуп калам!
Арның чайынналдыр чырызын ^s –
камгалалды ынчан чедип аар бис.