Psa 82 | TyvTUV | STEP | Мизмор-ыр. Асафтыы.

‏ Psalms 82

1 Мизмор-ыр. Асафтыы.
2 Бурганым! Харыы-сөс чок олурба,
ыыт-шимээн, киржилге чок артпа, Бурганым ^a.
3 Дыңна даан – дайзыннарың шимээргеп тур,
Сени көрбес улус баштарын көдүрүп келди;
4 олар Сээң чонуңга удур кара сагыштыг сүлчээ кылып,
кадагалаан улузуңну канчаптарын сүмележип тур ^b.
5 Дайзыннар: «Израиль деп ат моон соңгаар дыңналбас кылдыр,
ол чонну барып узуткап кааптаалы» – дижир болду ^c.

6 Чаңгыс эп-биле дугурушкаш,
Сеңээ удур эвилелдежип турар дайзыннарың бо-дур:
7 эдом чон, измаилчилер ^d, моав чон база агар аймак ^e,
8 гевал ^f, аммон, амалик чоннар,
филистимнер база Тирниң чурттакчылары.
9 Ассирия база оларга каттыжып ^g,
Лоттуң салгалынга ^{▼▼82:9 Лоттуң салгалы – моав болгаш аммон чоннарны ынча деп турар (Э. д. 19:30-38 көр).} дуза кадып тур. Сэла

10 Мадиан чонну тиилээниң дег база Киссон хем эриинге
Иавин биле Сисараны тиилээниң дег ⁱ,
дайзыннарыңны база шак ынчаар тиилеп көр;
11 демги улус Эн-Дор ^j чанынга узуткаттыргаш,
черде өдек дег болу берген болгай ^k.
12 Дайзыннарыңның нояннарын – Орив биле Зивти дег ^l,
шупту баштыңнарын – Зевей биле Салманны дег аажылап көр ^m.
13 «Бурганга хамааржыр одар-белчиирлерни эжелеп аалы» –
деп турган улус ол-ла болгай.

14 Оларны каңмыыл сиген ышкаш аажыла ^{▼▼82:14 Азы: «Оларны казыргыда доозун ышкаш аажыла».}, Бурганым,
хатка эстээн тараа саваңы дег кылып каг ^o.
15 Оттуң арга-арыгны өрттедири дег,
чалбыыштың дагларны хуюктаары дег ^p,
16 оларны Бодуңнуң шуурганың-биле сывыртавыт,
казыргың-биле сүртедивит ^q.
17 Оларның ат-алдарын баксырадывыт –
адың адап, Сенче чүткүзүннер, Дээрги-Чаяакчы!
18 Кочу-шоотка кирип, кезээ мөңгеде коргуушкунга алыссыннар,
бак атка кирип, узуткаттырып кагзыннар.
19 Олар Сени дың чаңгыс, Дээрги-Чаяакчы деп аттыг ^r,
бүгү чер-делегейни чагырган
Дээди Өрүкү Бурган деп билип алзын.