Psalms 83
1Хөгжүм башкарыкчызынга. Гиттит деп хөгжүм херексели үдээр a. Корахтың оолдарыныы. Мизмор-ыр.2Аг-шериглиг Бурган,
Сээң өргээ-майгыныңның сеткилге тааржырын!
3Дээрги-Чаяакчының өргээзиниң мурнунче эрттиксээш,
сеткилим хинчектени берди b,
бүгү бодум дириг Бурган дээш өөрүп, ырлап тур.
4Бора-хөкпеш безин бодунга хоргадаар черни,
хараачыгай-даа төлдерин чыттырар уяны
Сээң өргүл бедигээштериңниң чанындан тып аар,
Аг-шериглиг Дээрги-Чаяакчы,
мээң Хааным болгаш Бурганым! c
5Сээң өргээңде турумчуп алган улус амыр-чыргалдыг! d
Олар Сени үргүлчү алгап-мактаар. Сэла
6Сенден күш кирип ап турар,
Сээң өргээңге чедер орук дугайында e
бодап турар улус амыр-чыргалдыг.
7Олар Ыы-сыы шынаазы-биле эртип бар чыткаш,
аңаа суг бажын ажыдыптар,
чаъс ону ачы-буян-биле хөме аптар.
8Олар улам-на күш кирер,
Сионда бурганнарның Бурганы көстүп кээр ▼
▼83:8 Азы: «Олар Сионда Бурганның мурнунга чеде бээр».
.9Аг-шериглиг Дээрги-Бурган-Чаяакчы,
мөргүлүмнү дыңна!
Израильдиң Бурганы, кичээнгейиң сал! Сэла
10О Бурган, дозуг-камгалалывыс g,
бээр көрнүп келем ▼
▼83:10 Азы: «Бурганывыс, дозуг-камгалалывысче көрүп көр».
,Бодуңнуң шилип алган хааныңны деткип көрем!
11Сээң өргээңниң мурнунга эрттирген чаңгыс-ла хүн безин
өске муң-даа хүнден дээре-дир.
Бурганымның бажыңының эргининиң чанынга турары –
бузуттуг улустуң өргээлеринге чурттаарындан дээре.
12Дээрги-Бурган-Чаяакчы – хүн-дүр, дозуг-камгалал-дыр i,
Ол ээ көрнүүшкүн биле алдарны хайырлаар;
кем-буруу кылбас улуска ачы-буянын хайырлаарындан ойталавас.
13Аг-шериглиг Дээрги-Чаяакчы,
Сеңээ идегээр улус амыр-чыргалдыг! j
Copyright information for
TyvTUV