b89:2 Ы. х. к. 33:27
c89:3 У. ч. 8:25
f89:5 2 Пет. 3:8
g89:5 Ыд. ыр. 38:6
j89:8 Иер. 16:17
l89:10 Э. д. 47:9
n89:17 Ыд. ыр. 127:2
Psalms 89
1 Мөргүл. Бурганның кижизи – Моисейнии a.2Дээрги, Сен биске
салгалдан салгал дамчып хоргадал бооп чор сен b.
3Даглар төрүттүнериниң-даа мурнунда c,
чер биле өртемчейни чаяап кааныңның-даа мурнунда, үе-дүптен бээр,
кезээ мөңгеде Бурган-дыр сен! d
4Сен кижини довуракче хуулдуруп:
«Кижи амытан, келген чериңче дедир эг!» –
деп турар-дыр сен e.
5Сээң мурнунга муң чыл, дүүнгү хүн дег f,
дүнеки каш шак дег, эскет чок эрте бээр g.
6Сен кижилерни мөңге уйгуже,
үер дег, арыда шаап аппаар сен ▼
▼89:6 Азы: «Сен кижилерни үер дег арыда шаап аппаар сен, олар уйгу-дүш дег-дир».
;ол улус – эртен үнүп келгеш,
бүрүленип, чечектелгеш,
кежээ кадып, оңуп каар оът-сиген дег i.
7Бис Сээң килеңиңге узуткаттыргаш, чиде бээр бис,
Сээң хорадаарыңдан коргуп-сүртээр бис.
8Сен бистиң кем-буруувусту мурнуңга бөле салып аар сен,
чажыт чүүлдеривис
Сээң арын-шырайыңның чырыынга өттүр көстүп кээр j.
9Сен килеңнээриңге, бистиң бүгү назынывыс хей баар,
чуртталгавыс чылдарын, үндүр тынган дег,
дүрген төтчеглеп кааптар бис.
10Чурттап эртер хүннеривис чеден чылга деңнежир k,
а күштүг улус болза, сезен-даа хар чедир чурттаар,
ол хуусааның дургузунда бисти
муңгарал биле хилинчек тудуп чиир l,
чуртталгавыс караш дээр, өлүмче ужуга бээр –
ол-ла-дыр бис.
11Сээң килеңиң күжүн эки билир кижи бар бе?
Сенден коргарывыс Сээң килеңиңниң күжүнге дүгжүр.
12Назынывыс хүннерин шын үнелээринге өөредип көр –
мерген угаанны чүрээвис-биле чедип аалы m.
13Дээрги-Чаяакчы, килеңиң соксадып көр!
Кажанга дээр килеңнээр сен?!
Бодуңнуң чалчаларыңны өршээп көр.
14Эртен бисти энерелиң-биле тоттур,
ынчан бүгү назынывыста өөрүп-хөглээр бис.
15Бисти хинчектеп келген хүннериң саны-биле,
айыыл-халап көрүп келгенивис чылдарның хемчээли-биле
биске өөрүшкү-хөгнү шаңна.
16Сээң ажыл-херээң Бодуңнуң чалчаларыңга,
Сээң өндүр чырыың оларның үре-салгалынга көзүлзүн.
17Дээрги Бурганывыстың чаагай сеткили биске илерезин.
Холдарывыстың кылган ажыл-херектеринге
чедиишкинден хайырла, Дээрги-Чаяакчы,
холдарывыстың ажыл-херектеринге
чедиишкинден хайырла n.
Copyright information for
TyvTUV