Psalms 9
1Хөгжүм башкарыкчызынга. «Оглунуң өлүмү» деп аялга үдээр. Мизмор-ыр. Давидтии.2Дээрги-Чаяакчы, бүгү-ле чүлдү-чүрээмден
Сеңээ өөрүп четтирер мен,
Сээң хамык кайгамчык чүүлдериңни медээлээр мен a;
3Сен дээш өөрүп-хөглеп, байырлаар мен,
Сээң ат-алдарыңны алгап ырлаар мен, Дээди Өрүкү Бурган! b
4Мээң дайзыннарым дезип чорупкаш,
тептигип кээп дүжерлер, Сээң мурнуңга өлүп каарлар.
5Сен меңээ чөптүг шииткелди көргүстүң,
чаргы-чаалымны шын шиитпирлеп бердиң c;
дүжүлгеде чөптүг Шииткекчи бооп саадап орар-дыр сен d.
6Өске чоннарга килеңней бердиң, бузуттуг хейлерни узуткап кагдың,
оларның дугайында сактыышкынны кезээ мөңгеде балап кааптың e.
7Дайзыннар кезээ мөңгеде буурап калды,
хоорайларын бузуп кааптың, оларны ам сактып кээр кижи чогул.
8А Дээрги-Чаяакчы кезээ мөңгеде чагырып артар f,
Ол Бодунуң дүжүлгезин шииткел үндүрер дээш белеткеп алган;
9Ол өртемчейни чөптүү-биле шиидер,
бүгү чоннарга шын шииткел онааштырар g.
10Дээрги-Чаяакчы – дарлаткан кижиге хоргадал h,
айыыл-халап үезинде – шивээ.
11Сээң адыңны хүндүлеп билир улус Сеңээ идегээр i;
Сенче сеткилинден чүткээн улусту
кагбас болгай сен, Дээрги-Чаяакчы.
12 Сион дагда чагырып турар Дээрги-Чаяакчыны алгап ырлаңар,
өске чоннар аразынга Ооң ажыл-херектерин медээлеңер;
13хан төгүксээр улусту Ол сактып алган,
дарлатканнарның алгы-кышкызын утпайн, оларны бодап чоруур.
14Дээрги-Чаяакчы, менче ээ көрнүп,
мени көрбес улуска базындырып чоруурумну көр.
Сен мени өлүмнүң эжик-хаалгазындан көдүрүп аппаар сен j –
15Сион хоорайның эжик-хаалгазынга Сеңээ хамык макталымны
ырлаар арганы ынчаар хайырлаар сен;
Сенден кээр камгалал дээш өөрүп-байырлаар мен k.
16Өске чоннар боттарының казып алган оңгарынче чуглуп кирген l,
боттарының салып алган какпазынга буттарын кактырып алган m.
17Дээрги-Чаяакчы Бодунуң чөптүг шииткели-биле билдингир n –
бузуттуглар боттарының кылган херектеринге туттуруп аар. Үзүктелиишкин. Сэла
18Бузуттуглар – Бурганны уткан бүгү чоннар o –
өлүглер оранынче дүже берзин;
19түреңги кижиниң дилээнге харыы черле турар,
дарлаткан улустуң идегели кезээ мөңгеде куруг калбас болгай.
20Дээрги-Чаяакчы, дүрген келем!
Кижи амытан бодун «Күштүг мен» деп санавазын,
бүгү чоннар Сээң мурнуңга шииттирзин.
21Дээрги-Чаяакчы, чоннарны коргудувут ▼
▼ Өске бурунгу сөзүглелде «Дээрги-Чаяакчы, оларга башкыдан бер» деп бижээн.
:өлүр тынныг кижилер бис дээрзин олар билип алзын! Сэла
22Дээрги-Чаяакчы, чүге ыракта турарың ол ▼
▼ Еврей сөзүглелде бо шүлүктен ыңай 10-гу ыр эгелээн.
,айыыл-халап үезинде чаштып чүңүл? r
23Адыыргак, бузуттуг улус ядамыкты истеп-сүрүп чоруур –
олар боттарының бодап алган кажар аргаларынга туттуруп алзын.
24Бузуттуг кижи самыыраан күзээшкиннеринге чоргаарланыр,
чөптүг эвес олча-ажыын эки деп йөрээр,
Дээрги-Чаяакчыны тооп көрбес.
25Бузуттуг кижи адыыргаандан: «Ол бисти кезетпес!» – дээр,
Ооң шупту бодалдары: «Бурган чок!» – деп турар s.
26Ол бодунуң оруктарынга кандыг-даа үеде чедиишкинниг болур,
Сээң шииткелдериң – оон талыгыр ыракта болуп турар,
ол бодунуң шупту дайзыннарын куду көөр.
27Ол бодунуң сагыжында: «Кажан кезээде тендиш дивес мен t,
салгалдан салгал дамчып меңээ бак чүү-даа болбас» – деп бодаар;
28ооң аксы каргыш-чатка, авыяас сөс, оп-меге-биле долган u;
ооң дылының бажында – бузут биле кара сагыш бар v.
29Бузуттуг кижи быжыглал чок суурларга кедеп олурар w,
ооң карактары аас-кежик чок күжүрнү дилегзинип көрүп турар;
ажытталчак черлерге кем-буруу чок кижини өлүрүп каар x;
30ажытталчак черге, шыргай иштинде арзылаң дег y,
аас-кежик чок күжүрнү сегирип аар дээш кедеп чыдар z –
ону бодунуң какпазынга кактыргаш, тудуп аар aa;
31бузуттуг кижи ээгип, доңгайган соонда,
түреңги улус ооң күштүг аспактарынче кире бээр.
32Ол бузуттуг кижи бодунуң сагыжында:
«Бурган үүлгедиглеривисти уттупкан-дыр,
Ол хая көрнү берген-дир –
ам кажан-даа көрбес дээн-дир» – деп бодаар ab.
33Дээрги-Чаяакчы, дүрген келем,
Бурганым, холуң көдүрлүп, базындырган улусту утпа!
34Бузуттуг кижи чүге бодунуң сагыжында:
«Бурган бисти кезетпес» – деп бодап, Сени тооп көрбезил?
35Улустуң човалаңы биле айыыл-халавын көрүп тур сен –
Бодуңнуң холуңну ынаар сунар дээш, көрүп тур сен.
Аас-кежик чок күжүр Сеңээ идегеп тур,
өскүс кижиге дузалаар сен ac.
36Бузуттуг база бак кижиниң күчү-күжүн суларат ad –
ооң бузуду шуут артпас кылдыр, ол кижини кезет.
37Дээрги-Чаяакчы кезээ мөңгеде хааннап турар ae,
өске чоннар улузу Ооң чер-чуртундан арлып чиде бээр.
38Дээрги-Чаяакчы, базындырган улустуң күзелин дыңнап тур сен –
оларның чүрээн быжыктыр, кулааңны оларже ээктир.
39Өскүс база базындырган кижиге чөптүг шииткелиң хайырла af;
кым-даа болза чер кырынга улусту моон соңгаар коргутпазын.
Copyright information for
TyvTUV