Psa 92 | TyvTUV | STEP | Дээрги-Чаяакчы хааннап турар! Ол өндүр чырыкты хеп дег кедип алган , күчү-күштү кеткеш, куржанып алган, Дээрги-Чаяакчы өртемчейни божаңнавас кылдыр быжыг үндезинде тургузуп каан.

a92:1 1 Чыл. 16:31; Ыд. ыр. 95:10; 96:1; 98:1

c92:2 Ы. х. к. 33:27; Ыд. ыр. 54:20; 89:3; Авв. 1:12

‏ Psalms 92

1 Дээрги-Чаяакчы хааннап турар! ^a Ол өндүр чырыкты хеп дег кедип алган ^b,
күчү-күштү кеткеш, куржанып алган,
Дээрги-Чаяакчы өртемчейни божаңнавас кылдыр
быжыг үндезинде тургузуп каан.
2 Сээң дүжүлгең шаг шаанда үндезилеттинип тургустунган,
үе-дүптен бээр бар турган сен ^c.

3 Суглар шимээргеп турду, Дээрги-Чаяакчы,
суглар ыыт-шимээнин улгаттырып турду,
агым суглар дагжап турду ^d.
4 Ынчалзажок бедидир көдүрткен Дээрги-Чаяакчы ^e
хөй сугларның ыыт-шимээнинден-даа,
далайның сүртенчиг чалгыгларындан-даа күчүлүг.

5 Сээң хоойлуларың ылап шынныг,
Сээң өргээңге кезээ мөңгеде ыдыктыг болуру чогуур.