Psa 96 | TyvTUV | STEP | Дээрги-Чаяакчы хааннап турар! Чер-делегей өөрүзүн, эңдерик ортулуктар хөглезин!

a96:1 Ыд. ыр. 92:1; 95:10; 98:1

b96:2 Хост. 19:9; 20:21; Ыд. ыр. 17:12

c96:2 Ыд. ыр. 88:15

d96:3 Ыд. ыр. 20:10

e96:4 Ыд. ыр. 76:19

f96:5 Иис. 3:11; Мих. 4:13; Зах. 4:14; 6:5

g96:5 Ыд. ыр. 67:3; Мих. 1:4; Наум 1:5

h96:6 Ыд. ыр. 18:2; 49:6

i96:7 Иса. 42:17; Иер. 10:14

j96:7 Евр. 1:6

k96:8 Ыд. ыр. 47:12

l96:9 1 Хаан. 5:3; 2 Чыл. 2:5; Ыд. ыр. 85:8

m96:10 У. ч. 8:13; Ам. 5:15; Рим. 12:9

n96:10 Ыд. ыр. 30:24; 36:28

o96:11 Ыд. ыр. 26:1; 111:4; У. ч. 4:18; Мих. 7:8

p96:12 Ыд. ыр. 31:11

‏ Psalms 96

1 Дээрги-Чаяакчы хааннап турар! ^a Чер-делегей өөрүзүн, эңдерик ортулуктар хөглезин!
2 Дээрги-Чаяакчыны сырый кара булут ^b хүрээлеп турар;
чөптүг чорук биле шын шииткел – Ооң дүжүлгезиниң үндезини ^c.
3 Долгандыр турар дайзыннарны өрттендир чиртпишаан,
Ооң мурнунда от хып бар чыдар ^d.
4 Ооң чаңныктары өртемчейни чырыдар,
чер-делегей ону көргеш, сүрээдеп сирилээр ^e.
5 Даглар Дээрги-Чаяакчының мурнунга –
бүгү чер-делегейниң Чагырыкчызының мурнунга ^f –
чук ышкаш эстип тур ^g.
6 Дээрлер Ооң чөптүүн медээлеп тур ^h,
бүгү чоннар Ооң өндүр чырыын көрүп тур.
7 Дүрзү-бурганнарга мөгейген, хоозун дүрзүлер-биле мактанган
бүгү улус бак атка кирер ⁱ.
Бүгү бурганнар, Аңаа мөгейиңер! ^j

8 Сээң шиитпирлериңни дыңнааш, Сион өөрүп-байырлап тур,
Иудеяның хоорай-суурлары өөрүп-хөглеп тур,
Дээрги-Чаяакчы ^k.
9 Сен бүгү чер-делегейниң кырында өрү көдүрткен-дир сен,
бүгү бурганнардан бедий берген-дир сен ^l, Дээрги-Чаяакчы.

10 Дээрги-Чаяакчыга ынак улус,
бузутка хөңнүңер чок болуңар! ^m
Ол Бодунга бердинген улустуң амы-тынын камгалаар ⁿ,
оларны бак улустуң холундан адырар.
11 Чөптүг-шынныг кижиге – чырык чырыыр ^o,
мөзүзү эки кижи – өөрүп-хөглээр.
12 Чөптүг-шынныг улус, Дээрги-Чаяакчы дээш өөрүңер ^p,
Ооң ыдыктыг адын алдаржыдыңар!