Psalms 97
Мизмор-ыр.
1Дээрги-Чаяакчыга чаа ырдан ырлап бериңер a;Ол кайгамчык чүүлдерни боттандырган болгай,
Ооң ыдыктыг күчү-күштүг холу Аңаа тиилелгени эккелди b.
2Дээрги-Чаяакчы Бодунуң тиилелгезин көргүстү,
Бодунуң чөптүүн, өске чоннар көрүп турда, ажытты.
3Ол Бодунуң израиль чонунга
шынчызы биле энерелин бодап келди.
Чер-делегейниң кайы-даа ужу-кыдыы
Бурганывыстың тиилелгезин ▼
▼97:3 Азы: «Бурганывыстан кээр камгалалды».
көрүп кагды d.4Бүгү чер-делегей, Дээрги-Чаяакчыны алгап ырла e,
өөрүп-хөглеп, байырлап ырла!
5Ырны чадаганга үдеп ойнавышаан,
Дээрги-Чаяакчыны алгап ырлаңар!
6Хаанывыс болур Дээрги-Чаяакчының мурнунга
трубалар биле эдискилер этсип, өөрүп-байырлаңар! f
7Далай болгаш ону долган бүгү чүве,
чер-делегей болгаш ында амыдыраан
бүгү чүве шимээргеп доюлзун g.
8Хемнер адыштарын часказын h;
даглар хары угда өөрүп-байырлазын!
9Олар Дээрги-Чаяакчының мурнунга өөрүп-байырлазын,
чер-делегейни шиидер дээш, Ол кел чыдар болгай.
Дээрги-Чаяакчы өртемчейни – чөптүү-биле,
чоннарны – шынга дүүштүр шиидер i.
Copyright information for
TyvTUV