Rev 2 | TyvTUV | STEP | «Эфесте христиан ниитилелдиң төлээзинге бижи: Оң холунда чеди сылдыс туткан база чеди алдын чырыткы аразында кылаштап турар Кижиниң медеглээн сөстери бо-дур.

‏ Revelation of John 2

Эфестиң ниитилелинге Христостан чагаа

1 «Эфесте христиан ниитилелдиң төлээзинге бижи:

Оң холунда чеди сылдыс туткан база чеди алдын чырыткы аразында кылаштап турар ^a Кижиниң медеглээн сөстери бо-дур. 2 Силерниң чүнү кылганыңарны, аар-берге ажыл-херээңерни, үр шыдажып келгениңерни билир мен. Бузуттуглар-биле эптеш чогуңарны-даа база боттарын элчиннер бис дижир ^b, ынчалза-даа ындыг эвес улусту хынап көргеш ^c, оларны мегечилер деп тодаратканыңарны-даа билир мен. 3 Силерниң шыдамыыңар, Мени дээш хөй бергени ажып эрткениңер база ол бүгүден могап-шылавааныңар меңээ билдингир.

4 Ынчалза-даа силерге удур сагыжым база бар: Меңээ баштайгы ынакшылыңарны ^d ам чидирипкен-дир силер. 5 Кайы хире бедиктен дүңдерлип дүшкениңерни бодаңар! Бачыттарыңарны миннип, Бурганче эглиңер, эгезинде кылып турган ажыл-херээңерни кылыңар. Ынчанмас болзуңарза, Мен силерге келгеш, чырыткыңарны туружундан чайладыр идиптер мен. 6 Ындыг-даа болза, Мээң оларны көөр хөңнүм чогу дег, николаиттерниң ^{▼▼ Николаиттер – христианнарга мага-боттары-биле бачыт үүлгедирин чөпшээрээн деп өөредип турган улус бооп чадавас.} үүлгедиглерин көөр хөңнүңер чогу силерни эки талазындан көргүзүп кээр-дир.

7 Дыңнаар кулаа бар кижи ^f бүрүзү Сүлдениң христиан ниитилелдерге чүнү чугаалаанын дыңназын. Мен тиилээн кижиге ^g Бурганның дываажаң-сесерлиинде ^h амыдыралдың ыяжындан чимис чиир эргени хайырлаар мен ⁱ».

Смирнаның ниитилелинге Христостан чагаа

8 «Смирнада христиан ниитилелдиң төлээзинге база бижи:

Баштайгының болгаш Сөөлгүзүнүң, өлгеш, оон катап дирилген Кижиниң медеглээн сөстери бо-дур ^j. 9 Мен силерниң хилинчээңерни, ядыы-түреңгиңерни (херек кырында бай-даа болзуңарза) ^k билир мен. Боттарын „иудейлер бис“дижип турза-даа, херек кырында ындыг эвес, а эрликке чагырткан бөлүк ^l улустуң силерни нүгүлдеп, карартып турарын база билир мен. 10 Албан эртер ужурлуг хилинчээңерден кортпаңар. Дыңнаңар, эрлик силерниң чамдыыңарны, күткүүр дээш, кара-бажыңче киир октаптар, аңаа он хонук иштинде хинчектенир силер. Өлгүжеге чедир Меңээ шынчы болуңар ^m, Мен оон силерге шаңнал кылдыр мөңге амыдыралды бээр мен ⁿ.

11 Дыңнаар кулаа бар кижи бүрүзү Сүлдениң христиан ниитилелдерге чүнү чугаалаанын дыңназын ^o. Тиилээн кижиге ийиги өлүм хора чедирбес!» ^p

Пергамның ниитилелинге Христостан чагаа

12 «Пергамда христиан ниитилелдиң төлээзинге бижи:

Аажок чидиг хылыш ^q Ээзиниң медеглээн сөстери бо-дур. 13 Билир мен: эрликтиң дүжүлгези бар черде чурттап турар силер. Мээң шынчы херечим Антипаны эрликтиң чурттаан черинге – силерниң хоорайыңарга өлүрүп каан үеде безин Меңээ бүзүрелиңерден ойталавааныңарны, Меңээ шынчы бооп артканыңарны билир мен. 14 Ындыг-даа болза, Мээң силерге удур чугаалаар каш чүүлдерим база бар: силерниң араңардан чамдыыңар Валаамның өөредиин эдерген-дир. А ол Валаам израиль чонну бачытче канчаар сундугарынга Валакты өөредип каан болгай ^r. Олар дүрзү-бурганнарга өргээн чем чип, самыырап турганнар ^s. 15 Шак ынчаар силерниң араңардан чамдыыңар база николаиттерниң* өөредиин эдерип чоруур-дур ^t. 16 Бачыттарыңар миннип, Бурганче эглиңер! Ынчанмас болзуңарза, Мен удатпайн чедип келгеш, аксымдан үнүп орар хылыш-биле ындыг улуска удур дайылдажыр мен ^u.

17 Дыңнаар кулаа бар кижи бүрүзү Сүлдениң христиан ниитилелдерге чүнү чугаалаанын дыңназын ^v. Тиилээн кижини Мен манна ^w деп чажыт чем-биле чемгерер мен. Оон ыңай тиилекчи бүрүзүнге ак дашты бээр мен: ында ону алган кижиден өске, кымның-даа билбези чаа атты бижээн ^x».

Фиатираның ниитилелинге Христостан чагаа

18 «Фиатирада христиан ниитилелдиң төлээзинге бижи:

Карактары оттуң чалбыыжы дег, буттары чайыннаан кылагар хүлер дег ^y Бурганның Оглунуң медеглээн сөстери бо-дур. 19 Силерниң ажыл-херээңерни, ынакшылыңарны болгаш бүзүрелиңерни, бараан болуушкунуңарны база үр шыдажып келгениңерни билир мен. Эгезинде кылып турганыңардан хөйнү кылып турарыңарны-даа билир мен. 20 Ынчалза-даа силерге удур сагыжым бар: Бурганның медээчизи мен деп адаттынган Иезавел дээр херээжен-биле эптежип турар-дыр силер ^z. А ол бодунуң өөредии-биле Мээң чалчаларымны мегелээрге, олар самыыраарынче база дүрзү-бурганнарга өргээн чем чииринче сундугар-дыр ^aa. 21 Мен аңаа бачыттарын миннип, Бурганче эглир үени бердим ^ab, ынчалза-даа ол бужар самыыралындан ойталавас-тыр. 22 Мен ам ону аарыгның дөжээнче октаптар мен, ооң-биле кады самыырап турганнар база бачыттарын билинмээн шаанда, аажок хинчектенир эвеспе, көөр-даа силер. 23 Иезавелди эдергеннерни ^{▼▼ Азы: «Иезавелдиң ажы-төлүн».} база узуткаар мен. Улустуң угаан-бодалынче, күзелинче бакылап турар ^ad Кижи дээрге-ле Мен-дир дээрзин бүгү христиан ниитилелдер билип алыр. Мен кижи бүрүзүн ооң кылган херектерин ёзугаар шаңнаар азы кезедир мен ^ae. 24 Фиатирада арткан улуска – шак ол бузуттуг өөредигни эдербейн, эрликтиң ханы чажыттары дижир чүүлдерни шинчилевейн чоруур силерге чугаалап каайн: силерге өске кандыг-даа үүрге-чүък чүдүрбес мен. 25 Ынчалза-даа Мен келгижемге чедир силерде бар чүүлдү шыңгыы эдериңер ^af.

26 – 27 – 28 Тиилээн кижиге – Мээң күзээн чүүлүмнү эчизинге чедир кылып келген кижиге, Адамдан Мээң башкарар эргени алганым ышкаш, бүгү чоннарны башкартыр мен. Ол кижи демги чоннарны демир мерге-биле башкарар болгаш дой савагылаштыр чуура шаап кааптар ^ag. Тиилээн кижиге эртенги шолбанны база бээр мен ^ah.

29 Дыңнаар кулаа бар кижи бүрүзү Сүлдениң христиан ниитилелдерге чүнү чугаалаанын дыңназын» ^ai.