Revelation of John 4
Дээрде дүжүлгезинде саадаан Бурганны Иоанның көргени
1Мен ооң соонда көрнүп келгеш, дээрже кирер ажык эжикти көрүп кагдым. Ооң мурнунда мээң-биле чугаалажып турган, труба эткени дег дыңналыр үн a меңээ: «Бээр үнүп кел, алызы барып чүү боорун сеңээ көргүзейн» – диди. 2Ол дораан Сүлдениң күжү мени башкара берген b. Дээрде, мурнумда турар дүжүлгени база ында саадаан Бурганны көрүп кагдым c. 3Ооң арны яшма болгаш рубин деп эртине даштар ышкаш чырып турду, а дүжүлгени изумруд дег челээш шыва алган болду d. 4Ол дүжүлгени дескиндир ак хептерлиг e, баштарында алдын оваадайлар кеткен чээрби дөрт ирей олурар чээрби дөрт өске дүжүлге барын көрдүм. 5Кол дүжүлгеден кызаңнааштар кызаңайнып, диңмирээшкин диңмиреп, дааш дыңналды f. Ооң баарында Бурганның чеди сүлдези g болур чеди оттуг кезек хып турду h. 6Дүжүлгениң мурнунда кристалл дег i өттүр көстүр шилдең далайга дөмей бир чүве бар болду j. А хамыктың төвүнде, дүжүлгени долгандыр арты-мурнунда хөй карактыг дөрт дириг амытан турду k. 7Оларның биргизи арзылаңга, ийигизи бугажыкка дөмей, үшкүзүнүң арны кижинии дег, а дөрткүзү ужуп чоруур эзирге дөмей чорду l. 8Дөрт дириг амытанның кайызында-даа алды чалгын бар m, бүгү мага-боду, чалгыннарының адаандан бээр, карактар-биле шыптынган болду. Олар хүндүс-даа, дүне-даа могаг чокка:«Черле турган, ам бар, оон чедип кээрБүрүн Күчүлүг Дээрги-Бурган-Чаяакчы
ыдык, ыдык, ыдык!» – деп ырлажып турдулар n.
9Дөрт дириг амытан дүжүлгеде саадаан мөңге дириг Бурганны алдаржыдып, алгап-мактап, Аңаа өөрүп четтирип ырлаан санында-ла, 10чээрби дөрт ирей дүжүлгеде саадаан, мөңге дириг Бурганның мурнунга доңгая кээп дүжүп мөгеер чорду. Олар боттарының баштарында оваадайларын дүжүлгениң баарынче салгылааш: 11«Бистиң Дээрги-Чаяакчы-Бурганывыс,
алдарны, мактал-хүндүнү, эрге-чагырганы хүлээп аарынга төлептиг сен o,
чүге дээрге Сен бүгү чүвени чаяаган сен,
ынчангаш бүгү чүве Сээң күзел-сорууңга дүүштүр
чаяаттынган база амыдырап турар» p – деп турдулар.
Copyright information for
TyvTUV