aАжыд. 5:1
bАжыд. 4:7
cАжыд. 14:2; 19:6
dЗах. 1:8-10; 6:1-4
eЗах. 1:8; 6:2
fМк. 13:8
gАжыд. 7:3
hЛев. 26:22; Ы. х. к. 32:24; Иез. 5:17; 14:21
iАжыд. 20:4
jЫ. х. к. 32:43; Ыд. ыр. 78:10; 93:3; 118:84; Лк. 18:7; 2 Фес. 1:6; Ажыд. 19:2
kАжыд. 3:4
lМк. 13:8; Ажыд. 11:13
mИса. 50:3; Иоил 2:30
nИса. 34:4
oАжыд. 16:20
pИса. 2:10, 19
qОс. 10:8; Лк. 23:30
rЫд. ыр. 75:8; Иер. 30:7; Иоил 2:11; Мал. 3:2

‏ Revelation of John 6

Баштайгы алды таңма

1Мен оон көөрүмге, Хураган чеди таңманың биргизин адырыпты a. Дөрт дириг амытанның бирээзи b дээр диңмирээн дег үн-биле c: «Чедип кел!» – дээнин дыңнап кагдым. 2Көрүптеримге, мурнумда ак аът турду d. Аъттың мунукчузунуң холунда ча бар база аңаа оваадайны тывыскан болду. Ынчангаш ол тиилекчиниң түрүн тыртынып, тиилээр дээш бар чытты.

3Хураган оон ийиги таңманы адырыптарга, ийиги дириг амытанның: «Чедип кел!» – дээнин дыңнап кагдым. 4Ынчан өске, шилги аът үнүп келди e. Ооң мунукчузунга чер кырындан тайбыңны хунаар база улусту бот-боттарын өлүржүрүнче ыдалаар чөпшээрелди тывыскаш, улуг хылышты берген болду f.

5Хураган оон үшкү таңманы адырыптарга, мен үшкү дириг амытанның: «Чедип кел!» – дээнин дыңнап кагдым. Көрүптеримге, мурнумда дас кара аът турду. Ооң мунукчузу холунда деңзи туткан болду. 6Дөрт дириг амытанның уундан үнген, кижи үнүнге дөмей бир-ле ыыт дыңналып: «Бир хүннүң ажыл төлевири дээш – кызыл-тастың биче хемчээлин, база бир хүннүң ажыл төлевири дээш – арбайның үш биче хемчээлин, а үс биле арагага хора халдатпа!» g – диди.

7Хураган оон дөрткү таңманы адырыптарга, мен дөрткү дириг амытанның: «Чедип кел!» – дээн үнүн дыңнап кагдым. 8Көрүптеримге, мурнумда бора аът турду. Ооң мунукчузун «Өлүм» дээр база ону өлүм оранының ара-албатызы эдерип чорду. Дайын-чаа, аш, аарыг-аржык азы черлик амытаннар дузазы-биле черниң дөрттүң бир кезииниң девискээринге өлүрер эргени оларга берген болду h.

9Хураган оон бешки таңманы адырыптарга, мен өргүл салыр бедигээш баарында турар улус көрүп кагдым, оларны Бурганның сөзүн медеглээн дээш база шынчы херечилели дээш, өлүрүп каан турган i. 10Олар ыыткыр үн-биле алгыржып турдулар: «Ыдыктыг болгаш шынныг Чагырыкчы, ам чеже чылзыр сен?! Бисти өлүргени дээш, черниң улузундан өжээн негээр шииткелиң кажан болурул?! j» 11Оларның кижи бүрүзүнге ак хеп берди k. Христоска база ынчаар бараан болган чалчаларның – олар ышкаш өлүрткен акы-дуңмазының саны доктааткан хемчээл четкижеге чедир, ам-даа элээн манаарын оларга чугаалап кагды.

12Хураган оон алдыгы таңманы адырыпты. Көрүптеримге, чер коргунчуг шимчей берди l. Хүн караа качыгдал хеви дег карарып, ай хан дег кыза берди m. 13Дээрниң сылдыстары, күштүг хат силгээн ыяштан чиг чимис дүшкен дег, черже кээп дүштүлер n. 14Дүрүг дег дүрүлгеш, дээр ажытталып чиде берди. Даг болгаш ортулук бүрүзү туружундан шимчей берди o. 15Черниң хааннары база чагырыкчылар, шериг баштыңчылары, байлар, эргетеннер база арткан улус – кулдар-даа, хостуглар-даа куйларже болгаш дагларда хаялар аразынче чашты бердилер p. 16Олар даглар болгаш хаяларга: «Бисче кээп дүжүңер, дүжүлгеде саадаан Бургандан база Хураганның килеңинден бисти чажырыңар! q 17Оларның килеңиниң өндүр улуг хүнү келген-дир, кым ону шыдажыр харыктыгыл?» – деп чаннып турдулар r.
Copyright information for TyvTUV