aАжыд. 5:1
bМф. 18:10-11
cАм. 9:1
dХост. 30:7; Сан. 16:46; Ыд. ыр. 140:2; Ажыд. 5:8
eАж.-ч. 10:4
fЛев. 16:12; Иез. 10:2
gАжыд. 4:5
hХост. 9:23-24; Иез. 38:22; Иоил 2:30
iАм. 7:4
jИер. 51:25
kХост. 7:17, 19; Ажыд. 11:6
lИса. 2:16
mИса. 14:12; Ажыд. 9:1
nИер. 9:15; 23:15
oХост. 10:21-23; Иса. 13:10; Иоил 2:10; 3:15

‏ Revelation of John 8

Чедиги таңма

1Хураган оон чедиги таңманы адырыптарга a, дээрге чартык шак иштинде ыржым апарды. 2Мен ынчан Бурганның мурнунда турар дээрниң чеди төлээзин көрүп кагдым b. Оларга чеди трубаны берген болду. 3Айдызаар алдын сава туткан бир төлээ келгеш, өргүл салыр бедигээштиң мурнунга туруп алды c. Бурганның бүгү улузунуң мөргүлү-биле катай дүжүлгениң мурнунда өргүл салыр бедигээшке кывыссын дээш, аңаа эңдерик хөй чаагай чыттыг чүүлдү берген болду d. 4Чаагай чыттыг чүүлдүң ыжы Бурганның улузунуң мөргүлдери-биле катай дээрниң төлээзиниң холдарындан Бурганче көдүрлүп турду e. 5Дээрниң төлээзи оон айдызаар савазын алгаш, ону өргүл салыр бедигээштиң изиг көзү-биле долдургаш, черже шывадапты f. Ол дораан черге дааш-шимээн көңгүреп, диңмирээшкин диңмиреп, чаңнык кызаңнап, чер шимчей берди g.

Баштайгы дөрт труба

6Чеди труба туткан дээрниң чеди төлээзи этсиринге белеткенип алды. 7Бирги төлээ трубазын этсиптерге, хан-биле холушкак долу болгаш от дүшкеш h, черниң үштүң бир кезии, ыяштарның үштүң бир кезии база хамык оът-сиген өрттенип калды i.

8Ийиги төлээ трубазын этсиптерге, чалбырааштыг улуг дагга j дөмей бир чүве далайже дүже берди. Далайның үштүң бир кезии хан кылдыр хуула берди k. 9Далайда амылыг амытаннарның үштүң бир кезии кырылган, корабльдарның үштүң бир кезии узуткаттынган болду l.

10Үшкү төлээ трубазын этсиптерге, чырыткы дег чалбыышталган улуг сылдыс дээрден хемнерниң, суг баштарының үштүң бир кезиинче кээп дүштү m. 11Сылдыстың адын Ажыг чашпан дээр n. Сугларның үштүң бир кезии кужурзуг амданныг апарган. Ол ажыг сугну ишкен эңдерик хөй улус өлгүлээн.

12Дөрткү төлээ трубазын этсиптерге, хүннүң үштүң бир кезии, айның үштүң бир кезии, сылдыстарның үштүң бир кезии узуткаттынган, ынчангаш оларның чырыыр үези үштүң биринге кызырлып калган. Хүннүң үштүң бир дуртунда хүн караа, а дүннүң үштүң бир дуртунда ай биле сылдыстар чырывастаан o.

13Мен оон көрнүп келгеш, шаары дээрде кылыйткан эзирни ▼
▼ Өске бурунгу сөзүглелдерде «эзирни» эвес, а «дээрниң төлээзин» деп бижээн.
көрүп кагдым. Ол ыыткыр эдип чорду: «Черде чурттаан улуска халаптыг кара халап келди, халагым-на халак! Этсиринге белен дээрниң өске үш төлээзиниң трубалары удавас эде бээр-дир!»
Copyright information for TyvTUV