aРим. 6:13
bЭф. 5:17; 1 Фес. 4:3
c2 Кор. 4:16; Эф. 4:23
dЭф. 3:2
eЭккл. 7:16
f1 Кор. 12:12-14; Эф. 4:16
g1 Кор. 10:17; 12:27; Эф. 4:25
h1 Пет. 4:10; 1 Кор. 12:4
i1 Кор. 12:5
j1 Тим. 5:17
k2 Кор. 9:7
l1 Пет. 1:22; 1 Тим. 1:5
mЫд. ыр. 96:10; Ам. 5:15
nИн. 13:34; 1 Пет. 1:22; 2 Пет. 1:7; 1 Фес. 4:9; Евр. 13:1
oФлп. 2:3
pЛк. 18:1; 21:36; Эф. 6:18; Кол. 4:2; 1 Фес. 5:17
qРим. 15:25; 1 Кор. 16:1; 1 Тим. 6:18
rИов 31:29-30; Мф. 5:44; 1 Пет. 3:9
s1 Кор. 12:26
t1 Пет. 3:8; Флп. 2:2
uЛев. 19:18; 1 Пет. 3:9; 1 Фес. 5:15
vМк. 9:50; 2 Кор. 13:11; 1 Фес. 5:13
wУ. ч. 20:22
xЫ. х. к. 32:35; Евр. 10:30
y 4 Хаан. 6:22; 2 Чыл. 28:15; У. ч. 25:21-22; Мф. 5:44
z У. ч. 25:21-22

‏ Romans 12

Христоска башкарткан чаа амыдырал

1Ха-дуңма, ынчангаш силерден аажок дилеп тур мен: Бурганның биске өршээлдииниң ачызында, дириг, ыдыктыг база Аңаа таарымчалыг өргүл кылдыр, мага-боттарыңарны Бурганга бүрүнү-биле бериптиңер a. Силерниң ындыг бараан болуушкунуңар угаан-сарыылдыг боор. 2Бо делегейниң амыдыралының аян-шинчизинге чаңчыгып, аңаа дөмей болбаңар, а Бурганның силерден чүнү күзээнин b, кандыг чүүлдер Аңаа эки, таарымчалыг база болбаазыраңгай боорун билип аар дээш, угааныңар чаартып c, бодуңар бүрүнү-биле эде тургустунуп алыңар.

3Меңээ хайырлаан элчин боор авыралды ажыглап d, силерниң кижи бүрүзүнге чугаалап тур мен: боттарыңарны чогуур деңнелден өрү көрбеңер. Силерниң кижи бүрүзүнге Бурганның хайырлааны бүзүрелди барымдаалап, боттарыңар дугайында сарыылдыг бодап көрүңер база биче сеткилдиг болуңар e. 4Чижек кылдыр мага-бодувусту алыылы: ол чаңгыс болгай, ынчалза-даа хөй кезектерден бүткен (а ол кезектерниң хүлээлгелери база аңгы-аңгы) f. 5Бис база ындыг бис: хөй-даа болзувусса, Христоска башкарты бергеш, чаңгыс мага-ботту тургускан бис, а ол мага-боттуң кезектери боор боттарывыс аравыста харылзаалыг бис g. 6Бурган авыралында янзы-бүрү ачы-буянныг белектерни Оон алган бис h: Бурганның күзел-соруун медеглээр болган кижи ону бүзүрелиниң аайы-биле кылып чорзун; 7улуска бараан боор болган кижи – бараан бооп чорзун i; өөредиг берип, башкылаар болган кижи – өөредиг берип чорзун; 8аргалал бээр болган кижи – аргалал берип чорзун; улуска дузалап, бодунуң эт-хөреңгизин үлеп бээр болган кижи – элбээ-биле дузалап чорзун; сагыш човап, удуртур болган кижи – кызымак удуртуп чорзун j; буян чедирер болган кижи – ону чазык-чаагай кылып чорзун k.

9Ынакшылыңар ажыт-чажыт чок, шынчы болзун l. Бузутту көөр хөөн чок, буянга бердинген болуңар m. 10Бот-боттарыңарга, ха-дуңмашкы улус дег, эрге-чассыг ынак болуңар n; бирээңер өскеңерни бодундан артык хүндүткеп көрзүн o. 11Дээрги-Чаяакчыга кошкаш дивес чүткүл-сорук-биле, Ыдыктыг Сүлдеден кыптыгып, бараан болуңар. 12Идегелиңер силерге өөрүшкүнү эккелзин, аар-бергелерге таварышкаш, туруштуг болуңар; мөргүлден черле салдынмаңар p; 13Бурганның улузу түрегдел көрүп турар болза, дузадан кадыңар q. Хүндүлээчел ээлер болуңар. 14Силерни истеп-сүрген улусту алгап-йөрээңер, каргыш салбайн, алгап-йөрээңер r. 15Өөрүп турарларның өөрүшкүзүн-даа, качыгдап ыглааннарның качыгдалын-даа үлежиңер s. 16Араңарда чаңгыс эп-сеткилдиг амыдыраңар t. Улуургак болбаңар, бөдүүн улус аразынче кириңер, бодуңарны өрү көрбеңер.

17Кымдан-даа чедирген хоразы дээш хора-биле орнун негевеңер u. Бүгү улустуң эки деп санаар чүвезин кылыр дээш сагыш човаңар. 18Силерниң талаңардан, болдунар-ла болза, бүгү улус-биле эп-найыралдыг амыдыраңар v. 19Ханы ынак эш-өөр, улустан өжээн негевеңер w, ооң орнунга Бурганның килеңинге орук чайлаңар. Бижилгеде мынча деп бижээн болгай: «„Улустан өжээн негеп, кезедир арга Менде бар“ x – деп, Дээрги-Чаяакчы чугаалаан». 20Харын

«Дайзының аштаан болза, чемгерип каг;
суксаан болза, сугдан ижиртип каг y.
Ынчаар кылгаш, оттуг көстерни ооң бажынга чыып бээр сен» z.

21Бузутка бодуңну бастыртпа, а ону буян-биле бас.
Copyright information for TyvTUV