Romans 5:2-5
2Бисте ам бар апарган Бурганның авыралынче Христос бисти бүзүрелдиң оруу-биле чедире берген. Ынчангаш Бурганның өндүр-чаагайындан үлүг алыр бис деп идегеливис дээш a, өөрүп-байырлап тур бис. 3Чүгле ол дээш эвес, а хилинчек көрүп турарывыс дээш база өөрүп-байырлап тур бис b, чүге дээрге хилинчээвистен шыдамык чорук төрүттүнерин билир бис c. 4А шыдамык чоруктан – шылгаттынган аажы-чаң, а шылгаттынган аажы-чаңдан – идегел төрүттүнер. 5А идегелден хөңнүвүс калбас, чүге дээрге Бурган биске хайырлааны Ыдыктыг Сүлдени дамчыштыр Бодунуң ынакшылын чүректеривисче сиңниктирген d.
Copyright information for
TyvTUV