Romans 9:20-24
20А сен, тала, Бурган-биле маргыжар хире кым сен? a Кижиниң кылып каан чүүлү: «Мени чүге ынчалдыр кылдың?» b – деп чугаалаар бе? 21Азы дой сава кылыкчызы дойну чагырып, чаңгыс-ла ол дойдан хүндүлүг ажыглалдың база хүн бүрүнүң савазын кылып шыдавас бе? c 22А бир эвес Бурган, Бодунуң килеңин илередир база күчү-күжүн көргүзер дээш, узуткаары-биле белеткеп каан d, «Килеңге онааган саваларны» дыка үр шыдажып келген болза чүл? 23Өндүр-чаагай болзуннар дээш баш удур белеткеп кааны, «Өршээлге онааган саваларынга» Бодунуң өй-хемчээл чок өндүр-чаагайын Ол көргүзүксээн болза чүл? 24А ол «Өршээлге онааган савалар» – бис-тир бис. Бурган бисти чүгле иудейлерден эвес, а өске чоннар улузундан база кыйгырып алган e.
Copyright information for
TyvTUV