‏ Song of Solomon 1

1Өндүр бедик ыры. Соломоннуу ^a.

Ынакшааннарның чугаазы

Кыс Эжимниң эриннери мени ошказын-на, ошказын!
Ынакшылың арагадан тааланчыг-дыр ^b.
2Айдызап кээр чаагай чыдың кайгамчык-тыр.
Сээң адың – чаап куткан олива үзү-ле ^c,
сеңээ кыстар ынчангаштың ынак болгай.
3Мени чедип ал, кады маңнажыптаал! ^d
Хаан мени удуур өрээлинче киире берзин ^e.
«Ынакшылың арагадан арттыр мактап,
сээң-биле кады хөглеп, өөрүүлү» – деп турар
кыстарның сеңээ ынакшааны ылап чөп-түр!

4Иерусалим кыстары, кежим карара берзе-даа,
ал-бодум аажок чараш! ^f
Кедар аймактың чадырлары ^g,
Соломоннуң майгынының шывыглары ▼

▼ Азы: «Салма чоннуң майгыннары».

ышкаш мен ийин.
5Хүн менден карак салбайн кайгаарга,
хүрере бергеним дээш куду көрбейн көрүңерем.
Акыларым меңээ ажынып-дарынгаш,
виноград шөлдери кадартып каан,
а бодумнуң шөлүм кадарбаан мен.

6Чүрээм-ынаам, чугаалап көр: сүрүүң каяа кадарар сен ⁱ,
кодан малың дүштедип аар чериң кайдал?
Эштериңниң туруп алган черлеринге сени дилеп,
улчуп чорбаайн.

Эр 7Херээженнерниң эң-не чаражы кыс ^j, билбес болзуңза,
хойлар изээн кокпа-биле базып үнгеш,
анайларыңны кадарчылар чадырларының чанынга кадарып көр.

8Амыраам сени фараоннуң чуузаларының аразында чоруур
бе-биле дөмейлээр мен ^k.
9Чаагыңны – астынчак каасталга шимээн,
мойнуңну – кедирген каасталга шимээн.
10Бис сеңээ мөңгүн-биле шокарлап каан
алдын каасталгалар шуткуп бээр бис ^l.

Кыс 11Хаан хөлестеп дойлап чыдырда,
нард үзүнүң чаагай чыды ^m менден тарап турган.
12Эргим эжим – чаагай чыттыг мирра ⁿ сугар хапчыгаш дег,
эмиглерим аразынга дүннеп алыр;
13Эргим эжим – Эн-Гедиде ^o чимистиг шөлдерде
хна үнүш ^p салбаа ышкаш.

Эр 14Кайгамчык-ла чараш-тыр сен, амыраам,
чараш-тыр сен,
карактарың – көге-бугалар-ла! ^q

Кыс 15Кайгамчык-ла чараш-тыр сен, эргимим,
тааланчыың кедергей-дир,
орун-дөжээвис – хөлегелиг ногаан шыкта;
16Бажыңывыс серизи – шивилер,
какпак дээвиири – пөштер ^r.