Song of Solomon 2
Кыс 1Шарон оргулаажында a бөдүүн чечек мен,шынаа черде хөй лилиялар бирээзи мен.
Эр 2Чок, өөрү кыстар аразында амыраам кыс –
хараганнар аразында лилия дег!
Кыс 3Өөрү оолдар аразында эргим эжим –
аргада ыяш аразында яблок ыяжы дег!
Ооң хөлегезинге олуруп алгаш, таалал алыр-дыр мен,
ооң чимистери меңээ амданныг b.
4Ол мени араганың бажыңынче ▼
▼ Арага бажыңы – найырлаар бажың азы виноград шөлү бооп чадавас.
киире берген,ооң тугу – ынакшылы – кырымда киискээн.
5Ынакшылдың хилинчегин көре бердим d,
ынчангаш меңээ үзүм чигир чиртип, сергедиңер,
яблок чиртип, күш киирип көрүңер.
6Ооң солагай холун сыртанып алдым,
оң холу-биле ол мени куспактап чыдыр e.
7Иерусалим кыстары, чээреннер-биле,
хову-шөлде эликтер-биле даңгыраглап көрүңер:
одунгалак ынакшылды доюлдуруп, оттурбаңар! f
Кыш эрткен-дир
Кыс 8Эргимимниң үнү-ле-дир!Дагларга шурай аарак, тейлерге маңнай аарак,
эжим бо келди!
9Эргим эжим чээрен азы хүлбүс ышкаш g.
Олче көр даан: ханавыстың артында тур,
соңгаларже, хана-карак көзенекче бакылап тур.
10Эргим эжим мынча деп тур:
«Амыраам, туруп келем, чараш-карам, үнүп келем!
11Көрем, сарыым, кыш эртип,
чаъстар соксап, ырап читти ▼
▼ Палестинага кыш дээрге чаъстар кудар үе болур, час дүжерге, ол чаъстар соксаар.
.12Черде чечек частып өстү i,
ыр-шоор өйү чедип келди,
чуртувуста көге-буга мукулаары дыңналып тур.
13Фига ыяжы чимистелип эгеледи,
виноград сывы чечектелип,
чаагай чыдын тарадып тур.
амыраам, туруп келем, чараш-карам, үнүп келем!
14Чалым-хаяда ажытталчак үттерде олурар мээң көге-бугам j,
арның меңээ көргүзүп көр, үнүң меңээ дыңнадып көр,
чүге дээрге сээң үнүң тааланчыг, шырай-арның аажок чараш!»
Кыстың эш-өөрү 15Дилгилерни, чимистиг шөлдерни үреп турар дуу дилгижигештерни тудуп берип көрүңерем,
каттарывыс ам чечектели берген болгай!
Кыс 16Эргимим – мээңии, а мен – ооңуу мен k;
малын ол лилиялар аразында кадарып турар l.
17Эргим эжим, чарыктарлыг дагларда ▼
▼ Азы: «Бэтэр дагларында», азы: «Чаагай чыттыг дагларда».
деге азы хүлбүс дег бол.Эртенги хүн сырыннаваанда, хөлегелер көжүп чылбаанда n,
дедир ээп кел ▼
▼ Азы: «Хүн караа сооваанда, хөлегелер узаваанда, дедир ээп кел».
.
Copyright information for
TyvTUV