Song of Solomon 3
Дүнеки дилээшкиннер
Кыс 1Дүне када орнумга чыткаш, чүрээм-ынаам дилеп эгеледим a.Дилээш-даа, тыппайн бардым b.
2Туруп келгеш, хоорай кезип,
кудумчулар, белдир черлер эргээш келийн,
чүрээм-ынаам дилеп көрейн.
Дилээш-даа, тыппайн бардым.
3Хоорай эргээн таңныылдарга таварыштым c:
«Чүрээм-ынаам көрдүңер бе?»
4Олар-биле карышкаш-ла, чүрээм-ынаамны тып алгаш,
оон салдынмайн барып, авамның бажыңынче,
мени божаан иемниң өрээлинче эккелбээн шаамда, салбадым d.
5Иерусалим кыстары, чээреннер-биле,
хову-шөлде эликтер-биле даңгыраглап көрүңер e:
одунгалак ынакшылды доюлдуруп, оттурбаңар! f
Соломоннуң чедип келгени
6Ээн кургаг ховудан үнүп кел чыдар кымыл ол g,садыгжылар эккелген айдызаар чүүлдер-биле,
мирра болгаш ладан-биле h айдызадып турар,
өрү көдүрүлген ыш дег, кымыл ол?
7Соломоннуң паланкини ▼
▼ Паланкин – Чоокку Чөөн чүкке улуг албан-дужаалдыг кижилер дажыглаар каас-коя көдүрер олут.
бо-дур,израиль маадырлардан алдан дайынчы ону долгандыр турар.
8Олар шупту белинде хылыштарын азынган j,
чаалажып өөредип каан улус-тур;
кайызының-даа хылыжы дүннүң айыылынга удур k
белен чоруур улус-тур.
9Соломон хаан паланкинин*
Ливанның ыяжындан кылып алган;
10ооң адагаштарын мөңгүнден,
чөленир ооргазын алдындан кылгаш,
олудун хүрең-кызыл пөс-биле шып алган,
а ооң иштин Иерусалим кыстары
ынакшылдыг шимеп каан.
11 Сионнуң кыстары, үнүп келиңер,
Соломон хаанны барып көрүңер –
ооң куда дүжүргени, чүрээн өөрүшкү бүргээни хүнде
авазының кедирип кааны оваадайын көрүңер.
Copyright information for
TyvTUV